Jorhenguarhi je néna sánderu sési aianhpeni: Ásteru estudiari jeia imani kʼuiripu jingoni enga no progresarijka

ANDISÏ JUKAPARHAKUE. Kʼuiripuechaksï jatsisti para úrani Jeobaeri nombrini paraksï pʼímutantskateni (Ro 10:13, 14, TNM). Peruksï no iámindu engaksï Bibliaeri ambe jorhenguarhijka, uékasïndi kumpliriuani Jeobaeri juramukuechani. Ísï jimbo, parachi sési úrani juchari tiempuni engachi aianhpini jámajka, jatsiskachi para jarhuataani imeechani engaksï meru uéjka mójtakurhini para jaiapanherantani Jeobani. Ísï jimbo, enga kʼuiripu ma sáni ióni estudiariuakia ka no progresarini, sánderu sésiuati nóteru íntskunia estudiu ka jánguarhintani jarhuataani imechani enga Jeoba uéjka eskaksï andarheraaka imani ka imeri kúnguarhikuani (Jn 6:44). Ísïsti, enga sánderu orhepatini kʼuiripu mójtakurhiaka ka xarhatani eska uékasïnga tsípikua para méntkisï jatsini, juchachi tsípikua jingoni ménderu estudiaritaraaka (Uk 13:48).

NÉNA ÚNI

• Felisitarhi je kʼuiripuni jimboka uékasïnga jorhenguarhini jurhimbikua ambe Bibliaeri (1Ti 2:4).

• Miátanta je na enga xáni jukaparhakueka úni ambe engachi jorhenguarhijka (Lu 6:46-49).

• Uékperakua jingoni, exe je kʼuiripu jingoni uandantskua semiia jatsiriri, ka úakajtsï arhini eska eratsintaaka ambe pʼínguxaki para orhepani uérani (Mt 13:18-23).

• Iatsitakuarhu, arhi je andijtsïsï nóteru jorhendaaia Bibliaeri ambe.

• Arhi je eskajtsï iauani méni uandajpaaka telefonu jimbo o eskajtsï pʼorhembiaka ka eska úaka ménderu uéntani estudiarini enga úakia ambe enga jorhenguarhika.

ENGAJTSÏ EXEAKIA BIDEUNI, MÓKUANTAA JE ARINI KURHAMARHIKUECHANI:

• ¿Ambe xarhatasïni eska i kʼuiripu no progresarixapka espiritualmenti?

• ¿Ambe úspi erachi para jarhuatani kʼuiripuni para kurhanguni eska jatsispka para mójtakurhini?

• ¿Erachi néna arhispi kʼuiripuni eska sánderu orhepani úpiringa ménderu uéntani estudiarini?