Ju je sánderu sési aprobecharini jiáni engachi Bibliaeri ambe jorhenguarhijka

ANDISÏ JUKAPARHAKUE. Engachi jandiajku estudiarijka Tata Diosïri Karakatani, jarhuatasïndijtsïni kurhanguni “na enga xáni kóskaka ka ióskani ka iótani ka jauanhini” jurhimbikua (Ef 3:18). Ístujtsïni jarhuatasïndi parachi pímbinhasï jarhani ka nóchi no sési exenhani ini parhakpinini jimbo enga xáni no sési jásï ambe jaka, ka parachi jánhaskani Tata Diosïri Karakatani (Flp 2:15, 16, TNM). Parachi jandiajku estudiarini Tata Diosïri Karakatani, úsïngachi erakuni ambechi jorhenguarhia seguni ambe engachi uétarhinchajka. ¿Nénachi uá sánderu sési aprobecharini imani tiempuni engachi arhutajka para Bibliani arhintani ka estudiarini?

NÉNA ÚNI

• Ju je subraiariuani máru bersikuluechani ka karanharhikuni máru ambe juchari Bibliarhu engachi úrajka para estudiarini, ia sea sïranda jimbo, tabletarhu o selularirhu.

• Engachi arhintani jauaka Bibliani, ju je kurhamarhikuarhini “né”, “ambe”, “nani”, “káni”, “néna” ka “andi”.

• Ju je iámu informasioni jirinhantani. Uákachi tema jimbo jirinhantani o bersikuluecha jimbo, úraparini iámu ambe enga xáni jaka para informasioni jirinhantani.

• Ju je eratsintani ambe engachi arhintajka parachi exeni nénajtsïni jarhuatasïni ambe engachi arhintaka.

• Ju je úni ambe engachi jorhenguarhijka (Lu 6:47, 48).

ENGAJTSÏ EXEAKIA BIDEUNI JANDIAJKU ESTUDIARINI JARHUATASÏNDIJTSÏNI SÁNDERU SÉSI KURHANGUNI TATA DIOSÏRI KARAKATANI, MÓKUANTA JE ARINI KURHAMARHIKUECHANI:

• ¿Ambeksï uandasïni máru engaksï jandiajku estudiarijka Bibliani?

• ¿Andichisï jatsi para kómarhini Jeobani ante dechi uénani estudiarini?

• ¿Ambejtsïni uá jarhuatani parachi sánderu sési kurhanguni Bibliaeri karakata ma?

• ¿Ambechi uá kuirunharhikuni o jatsinharhikuni juchari Bibliani engachi úrajka para estudiarini?

• ¿Andisï xáni jukaparhakue eskachi eratsintani pakaraaka engachi estudiarini jauaka Tata Diosïri Karakatani?

• ¿Ambechi jatsiski para úni imani ambe jingoni engachi jorhenguarhijka?