Tumbi, jánguarhinta ambakiti ambe úni

Enga Pablu karakupka Tituni espiritu santu jimbo, arhispti eskaksï tumbiicha jatsispka para jánguarhintani méntkisï ejemplu máeni ambakiti ambe úparini (Tit 2:6, 7). Tátsekua, indeni mismu kapitulurhu, uandaspti eska pímbinhajkuntanhapiringa Jeobaeri ireta para ‘tsípikua jingoni úni ambakiti ambe’ (Tit 2:14). Ma ambe enga ambakiti ambeka, jindesti aianhpini ka jorhentpini Tata Diosïri Reinueri ambe. Tumbi, ¿uári sési úrani chíti uinhapikuani parari prekursori regularini o auksiliarini? (Pr 20:29).

Engari uéjka prekursoriini, sési eratsinta ambe ma ka sési uaxasta ambe engari uáka parari úni prekursorini (Lu 14:28-30). Por ejemplu, ¿nénari mantenerikuarhia engari prekursoriuakia? ¿Amberi uá parari úni andangutaani orechani? Aiangukuarhi Jeobani ka kurhaku eskakini jarhuataaka (Sl 37:5). Uandontskuarhi chíti táticha jingoni ka ístu erachicha jingoni engaksï iónisï prekursoriikia. Tátsekua, sánhani arhi úni ambe ma parari úni prekursorini. Uákari mintsikani eska Jeoba újchakuraaka ambe engari xáni uáka parari marhuakuni.

ENGARI EXEAKIA BIDEUNI TUMBIICHA ENGAKSÏ KʼÉRI AMBE ARHIJKA JEOBANI, MÓKUANTA ARINI KURHAMARHIKUECHANI:

• ¿Ambe ka ambe ójkutaaxapi máru erachichani paraksï prekursoriini, ka ambeksï úski?

• ¿Ambeksï uá úni táticha para jarhuataani uájpechani paraksï prekursori regulari úkuarhini?

• ¿Andisï jukaparhakue sési uaxastakata jatsini kándi ka na jandorisïri uéraa aianhpini?

• ¿Ambeksï uá úni kúnguarhikuarhu anapu erachicha paraksï jarhuataani ka uinhaperantaani prekursorichani?

• ¿Náki kóntperatechanksï jatsiasïni prekursoricha?