Echeri arhukurhispti ka itsï jima inchatsispti

Desde iónisïa, juramutichaksï uánikua xanhari jarhuatastia Jeobaeri iretani (Esd 6:1-12; Est 8:10-13). Asta iásï jamberi, exeskachia na enga “echeri” —uápurisï anapu kʼuiripu enga juramukua jatsika ka enga sánderu kurhangutspijka— arhukurhika ka jima inchatsisti itsï, o sea, ambe enga xáni úkia dragoni, enga jindeka Satanasi, parajtsïni no sési kámani (Jaŋ 12:16). Jeoba, ima Tata Diosï enga pʼímutantspijka, uánikua xanhari úraastia juramutichani paraksï jarhuatani imeri iretani (Sl 68:20; Pr 21:1).

Ka ¿engajtsï ónhakata jaka chári jakajkukua jimbo? Asï mirikurhi je eskaksïni Jeoba kuájchakuxaka (Gé 39:21-23; Sl 105:17-20). Uákajtsï mintsinharhini eskaksïni Jeoba kóndintaaka chári jakajkukua jimbo ka eskajtsï uinhaperantauaka interu parhakpini anapu erachichani engajtsï ísï kurhajchani jaka Jeobani (Flp 1:12-14; Jaŋ 2:10).

ENGAJTSÏ EXEAKIA BIDEUNI COREA ANAPU ERACHICHAKSÏ UÉNTASÏNDI KÁRSELIRHU UÉRATINI, MÓKUANTA JE ARINI KURHAMARHIKUECHANI:

• Desde iónisïa, uánikua erachichanksï ónhaastia jini Corea del Sur, peru ¿andi?

• ¿Ambeksï uaxastaski juramuticha engaksï jimbo erachicha úka jurajkunhani ante deksï andangutani tiempu?

• ¿Nénachi uá jarhuataani interu parhakpini anapu erachichani engaksï ónhakata jaka imecheri jakajkukua jimbo?

• ¿Ambechi jatsipirini para úni iáiasï engachi jurajkunhani jaka parachi marhuakuni Jeobani?

• ¿Né jatsiski para kʼéri ambe arhinhani engajtsïni sési nichejka juramuticha jingoni?