Ju je xarhatani eskachi xénchasïnga juchari familiani

Uékperakua úsïndi eska familia ma márku jauaka. Enga no jauaka uékperakua kánikua úkua jukaati eskaksï márku jauaka ka eskaksï márku ánchikuarhiaka. ¿Nénaksï uá acheeticha, uarhiiticha ka táticha uékperakua xarhatakuni imeri familiani?

Acheeti ma enga sési kámajka témbani, kuenta uáti ambe enga témba uétarhinchajka na enga eratsejka ka na enga pʼikuarherajka (Ef 5:28, 29). Ima jatsisti para kéndani imeri familiani ambe enga xáni uétarhinchajka ka úni imani ambe enga jarhuatauaka paraksï sánderu sési pájperani Jeobani jingoni, komu Familieri Jorhenguarhikua jatsini (1Ti 5:8). Ambakiti uarhiiti ma kurhajchaati imeri uámbani ka kánikua janhanharhini (Ef 5:22, 33; 1Pe 3:1-6). Tsimarhanksï jatsisti para puátsperantani (Ef 4:32). Ambakiti tátichaksï kuidariuasïndi imecheri sapiichani ka jorhendaasïndiksï paraksï xénchani Jeobani (Dt 6:6, 7; Ef 6:4). ¿Náki uandanhiatechanksï jatsiasïndi chári sapiicha eskuelarhu? ¿Nénaksï orhepani uérasïni engaksï máteruecha arhiauaka eskaksï imani ambe uáka enga no sési jaka? Enga uékperakua jauaka familiarhu iáminduechaksï sési pʼikuarheraati.

ENGAJTSÏ EXEAKIA BIDEUNI JU JE XARHATANI UÉKPERAKUA ENGA NO MÉNI KʼAMAKURHIJKA FAMILIARHU, ARINI KURHAMARHIKUECHANI UÁ JE:

• 

  ¿Ambakiti acheeti ma néna kuidarisïndi xénchperakua jingoni imeri témbani?

• 

  ¿Ambakiti uarhiiti ma néna xarhatakusïni imeri uámbani eska kánikua janhanharhisïnga?

• 

  ¿Ambeksï úsïni táticha paraksï uandontskuarhekuani imecheri sapiichani Tata Diosïri ambe?