Ju je ísï káani pirenchi sánderu jatiriichani komueska juchaari nándini ka sánderu sapirhatichani eska juchaari ermanechani

Bibliajtsïni arhisïndi eskachi ísï káuaka erachi sánderu jatirichani komueska juchaari taatichani ka sánderu sapirhatichani eska juchaari ermanuechani (arhinta je 1 Timoteo 5:1, 2). Ka kánikua jukaparhakuesti eskaksï tatakecha sési káuaka pirenchichani ka janhanharhiani.

Erachi ma no méni jámapirindi koketiarikuni pirenchini ma nijtu úni ambe ma enga no sési pʼikuastapiringa (Job 31:1). Ka erachi ma enga tumbiika no méni úpirindi ni uandani ambe ma enga eratsetapiringa pirenchini ma eska tsitisïnga ka jini no tsitini.

Orhejtsïkutichaksï jatsisti para jingontku kurhajchaani pirenchichani engaksï janhanharhikua jingoni kurhamarhiaska ambe ma o ístu engaksï jukaparhakua ambe aianguani jauaka. Ka orhejtsïkutichaksï sánderu sési káasïndi imani pirenchichani engaksï no kánguarhijka uámbani enga kuájchakuauaka (Rut 2:8, 9).

ENGAJTSÏ EXEAKIA BIDEUNI JU JE XARHATANI UÉKPERAKUA ENGA NO MÉNI KʼAMAKURHIJKA KÚNGUARHIKUARHU: BIUDECHANI KA UÉRFANUECHANI, MÓKUANTA JE ARINI KURHAMARHIKUECHANI:

• 

  ¿Nénaksï xarhatakuspi uékperakua kúnguarhikuarhu anapuecha pirenchi Myintinini?

• 

  ¿Andisï uékperakua enga kúnguarhikua xarhatakupka pirenchini úpi eskaksï kʼuiripuecha ambakiti ambe uandapiringa?

• 

  ¿Néna jarhuataaspi pirenchi Myintiniiri uájpechani uékperakua engaksï erachicha xarhatakuapka?

¿Nénajtsï uaa xarhatani eskajtsï uandanhiasïnga chaari kúnguarhikuarhu anapu pirenchichani jimbo?