Kueraakata ambejtsïni jarhuatasïndi mintsikani Tata Diosï Jeobaeri jánhaskakuani

Tata Diosï Jeoba, ¿meru míteski ambe enga sánderu sési ambeeka para jucha? ¡Jo! Engachi jucha seguru jauaka eska i ambe ísïiska, jánhaskatiuakachi ka jurajkuakachi eska Tata Diosï Jeobajtsïni arhiaka ambe engachi jatsika para úni (Pr 16:3, 9). Peru engachi jucha ménderueni eratseska ambe máeri, jamberichi úkua jukanchaaka úni ambe engaksï imeeri konsejuecha uandajka. Uaakachi sánderu mintsikani Tata Diosï Jeobaeri jánhaskakuani engachi eratsentaska imeeri kueraakateri ambe (Pr 30:24, 25; Ro 1:20).

ENGAJTSÏ EXEAKIA BIDEUNI ¿ÍSKU ÚKUARHISKI O NEMA ÚSKI? ¿NÉNAKSÏ ÚSÏNI XÁNI UÁNI SÏRUKICHA NO ÓJKUTPERANI?, MÓKUANTA JE ARINI KURHAMARHIKUECHANI:

• ¿Ambeksï úsïni pauani pauani sïrukicha?

• ¿Ambeksï úsïni paraksï no ójkutperani?

• ¿Ambechi uaa jorhenguarhini kʼuiripuecha na engaksï manakuarhijka sïrukicha?

ENGAJTSÏ EXEAKIA BIDEUNI ¿ÍSKU ÚKUARHISKI O NEMA ÚSKI? NA ENGA XÁNI SÉSI KÁRAJKA KAPARHI, MÓKUANTA JE ARINI KURHAMARHIKUECHANI:

• ¿Andisï xáni úkua juka abioni sapichuni ma kátatani?

• ¿Ambe úsïni kaparhi para úni sési kárani?

• ¿Néna úpirini marhuani na enga xáni jánhastika kaparhi?

Engajtsï exejka iámindu kueraakata ambe enga jaka jima engajtsï chá irekaka, ¿ambeksïni jorhendasïni Tata Diosï Jeobaeri jánhaskakueri ambe?