¿Exesïntsï na engaksïni Tata Diosï Jeoba mókuchintajka?

Biblia uánikua kómarhikuecheri uandasïndi enga Tata Diosï Jeoba mókuantapka. Imeeri marhuarichaksï exespti eska Tata Diosï Jeoba uandanhiasïreenga imeechani jimbo ka eska jarhuataasïreenga ka inde ambe úspti eskaksï sánderu mintsikapiringa imani. Ísï jimbo, uétarhisïndi eskachi meru imani ambe aianguaka ambe engachi uétarhinchani jauaka ka jingontkuchi jarhani na engajtsïni mókuchintaaka Tata Diosï. Jatsiskachi para míteni eskajtsïni ménichani Tata Diosï Jeoba no ísï mókuchintaaka eskachi jucha na erokuarhi jauaka o sánderu ambe úni eska ambe engachi kurhakuka (2Ko 12:7-9; Ef 3:20). Ju je exeni máru ambe na engajtsïni Tata Diosï Jeoba mókuchintajka.

• Íntskusïndijtsïni uinhapikua, sésijtsïni pʼikuastantasïndi ka jarhuatasïndijtsïni parachi sési jarhani imani jingoni ka ísïchi úni orhepani uérakuani uandanhiatechani (Flp 4:13, TNM).

• Jánhastasïndijtsïni parachi úni ambakiti ambe erakuni (Snt 1:5).

• Úsïndi eskachi uékaaka úni ambe ma ka eskachi jatsiaka uinhapikua parachi ísï úni (Flp 2:13).

• Sésijtsïni pʼikuastantasïndi engachi uandanhiani jarhajka (Flp 4:6, 7).

• Úraasïndi máteruechani parajtsïni jarhuatani ka parajtsïni sési pʼikuastantani (1Jn 3:17, 18).

• Jarhuataasïndi imeechani engachi kómarhijpikuajka (Uk 12:5, 11).

ENGAJTSÏ EXEAKIA BIDEUNI JEOBA KURHAUASÏNDI KÓMARHIKUECHANI, MÓKUANTA JE ARINI KURHAMARHIKUECHANI:

• ¿Néna uinhaperantaasïni imeechani engaksï pʼamenchani jaka ambe enga nitamakuarhipka erachi Shimizu?

• ¿Nénachi uaa májkueni úni eska erachi Shimizu?