Tata Diosï Jeoba kánikua jukaparharaasïndi juchaari kómarhikuechani

Para Tata Diosï Jeoba, kómarhikuecha engaksï imeeri ambakiti marhuaricha uaajka, ísïistiksï komueska insiensu enga someni kéjtsïtanheenga templurhu ka enga kánikua sési jájkundeenga (Sl 141:2). ¿Andi? Eratsenta je ini ambe: engachi kómarhijka, diosmaiamukuachi arhisïnga juchaari Taatini ka arhisïngachi na engachi xáni xénchajka, aiangusïngachi ambe engajtsïni uandanhiatajka, ambe engachi tsitijka ka kurhakusïngachi eskajtsïni jánhastaaka. Tata Diosï Jeoba kánikua tsitisïndi eskachi iámindu ini ambe uaaka, jimbokachi ísï xarhatakuni jarhasïnga eskachi jukaparharasïnga juchaari pájperakua imani jingoni. Ísïisti, Tata Diosï Jeoba kánikua jukaparharaasïndi sapirhati kómarhikuechani engaksï tánguarhikuecharhu únhajka jimbokaksï kʼéri ambe arhisïnga. Peru, eranhaska je na enga xáni sési pʼikuarherajka engachi jandiajku kómarhijka ka sánderu ióni, parachi aiangukuarhini na engachi pʼikuarherajka ka eratseni (Pr 15:8).

ENGAJTSÏ EXEAKIA BIDEUNI PʼINDESKA MÉNTKISÏ KÓMARHINI JEOBANI, MÓKUANTA JE ARINI KURHAMARHIKUECHANI:

• ¿Náki responsabilidadichani jatsiaspi erachi Johnson?

• ¿Káni kómarhispi erachi Johnson paraka Tata Diosï Jeoba jarhuatapiringa?

• ¿Ambejtsï jorhenguarhisïni chá erachi Johnsoniiri ejemplu jingoni?