Preparadu ja je para jiáni engajtsï niáraaka pʼamenchani

¿Andisï uétarhijki preparadu jarhani? Iáminduechachi uaaka ma repentku pʼamenchani o uétarhini eskachi ospitalirhu pánhaaka. Ísï jimbo, ante de i ambe úkuarhini jatsiskachi para sési úraani imani jarhuajperateechani engachi jatsiaka engachi uéjka eskachi sési atenderinhaaka. Engachi ísï úska, xarhatanchi jauaka eskachi jukaparharasïnga tsípikuani ka eskachi janhanharhisïnga Tata Diosï Jeobaeri leini enga iurhiriiri ambe uandajka (Uk 15:28, 29).

¿Nénajtsï uaa prepararikuarhini?

• Engajtsï na sési eratsentaakia iurhiriiri ambe ka engajtsï na kómarhiakia Tata Diosïni, uininharhitanta je tarjetani nani enga uandajka ambe engajtsï uéjka eska úkuarhika jiáni engajtsï pʼamenchaaka (DPA).a Aianhpiriicha engaksï itsï atakuarhikia uaatiksï kurhakuni ini tarjetani erachini enga publikasionicheri ambe exejka ka imeecha engaksï sapiichani kaajka uaatiksï kurhakuni Tarjeta de identidad (ic) para imeecheeri uájpeecha engaksï útasï sapichueka.

• Engajtsï embarasada jaka, kurhakua je orhejtsïkutiichani dokumentuni Información para mujeres embarazadas (S-401). I dokumentuksïni jarhuataati parajtsï sési eratsentani ambe engajtsï uaaka úni embarasurhu ka jiáni engajtsï ambakentaaka.

• Engajtsï arhinhaska eskajtsï uétarhinchasïnga iurhiri jatantani o eskajtsï internarinhaaka ospitalirhu, jirejiresï aiangua je orhejtsïkutiichani ka arhia je ospitalirhu anapuechani eskajtsï uékasïnga eskaksïni pʼorhembiaka representanti ma Jeobaeri testiguecheeri.

¿Nénaksïni uaa jarhuatani orhejtsïkutiicha? Uaatiksïni jarhuatani uininharhitantani tarjetani DPA, peruksïni no arhiati náki tratamientuntsï jatsiski para erakuni ni ambe engaksï imeecha eratsejka ima ambeeri engajtsï chá jatsika para erakuni (Ro 14:12; Gal 6:5). Engajtsï aianguaska orhejtsïkutiichani eskajtsï arhinhaska parajtsï iurhiri jatantani, iichaksï jirejiresï aianguati Grupuni enga Jarhuataajka Testiguechani engaksï uétarhinchajka Tratamientu ma (GJT).

¿Nénaksïni uaa jarhuatani GJT? Erachiicha engaksï ini grupu jimbo jaka jorhendanhasïndiksï paraksï jarhuataani imeechaksï engaksï ospitalicharhu ánchikuarhijka ka imeechani engaksï leiicheri ambe exejka, kurhanguni ambe engachi jucha eratsejka iurhiriiri ambe. Uaatiksï arhiani doktoriichani engaksïni exeni jaka náki tratamientuecha o prosedimientuecha jarhaski engaksï no uétarhijka iurhiri. Ka enga uétarhiaka, uaatiksïni jarhuatani exentani doktorini ma engaksïni uékaaka jarhuatani.

ENGAJTSÏ EXEAKIA BIDEUNI NÉNA SÉSI AMBE ERAKUNI ÚNI ENGA IURHIRIRI AMBEUAKA, MÓKUNTA JE ARINI KURHAMARHIKUANI:

• ¿Ambe ka ambeksïni uaa jarhuatani jiáni engajtsï pʼamenchaaka o engajtsï jatsiaka para ospitalirhu pánhani enga uétarhipiringa parajtsï iurhiri jatantani?

  ¿Nájtsï uandapirini chá?