KRISTIANUECHEERI IREKUA
¿Ambe úxaki ji paraka seguirinhaaka sési ambe uandanhani juchaari ambe?
Kʼuiripuechaksï méntku exeni jarhasïndi ambe engachi újka Jeobaeri testiguecha (1Ko 4:9). Ísï jimbo, ju je kurhamarhikuarhini: “¿Kʼéri ambe arhinhasïni Tata Diosï Jeoba imani ambe jimbo engani ji uandajka ka úni?” (1Pe 2:12). Nóchi uékasïnga imani ambe úni enga uaaka eska no sési ambe uandanhaaka Jeobaeri testiguecheeri ambe engachi desde iónisï jánguarhintakia parachi sési mítekateeni (Ec 10:1).
Kara je néna jatsiski para jámani kristianu ma jiáni enga ari ambe úkuarhiaka ka úra je Biblieri prinsipiu ma engaksïni uaaka jarhuatani:
Nema enga no testigueka arhinchasïndi.
Imeeri xukuparhakua, karru, ka imeeri kʼumanchikua kánikua no sési xarharasïndi.
Jima enga irekaka jarhasti lei ma enga ísï exejka eska úkua jukaska para kurhajchani.
Ju je exeni ambe engaksï újka erachiicha engaksï Departamenturhu jaka enga Publikasionichani Karaajka paraka juchaari organisasioni seguiriuaka sési mítekateeni.
ENGAJTSÏ EXEAKIA BIDEUNI JANHANHARHISÏNGACHI JURHIMBIKUANI KA KÁNIKUACHI JUKAPARHARASÏNGA, MÓKUNTA JE INI KURHAMARHIKUANI:
¿Ambeksïni sánderu ísku pakataski na engaksï xáni jánguarhintajka erachiicha parakaksï juchaari publikasioniicha imani ambe uandaaka enga ísïika?