8-14 DE ENERU
JOB 34, 35
Pirekua 30 ka kómarhikua | Uandakuecha para ueenani (1 min.)
1. ¿Ménisïjtsï ísï exesïni eska no sési nikuasïnga ambarhati kʼuiripuechani?
(10 min.)
Ju je miáni eska no Tata Diosï Jeobasï újka eskachi no sési nitamakuarhiaka? (Job 34:10; wp19.1 páj. 8 párr. 2).
Úpiringachi ísï exeni eskaksï no sési úriicha no ma ambe úkuarhinchasïnga, joperu Tata Diosï Jeoba iámu ambe exexati (Job 34:21-26; w17.04-S páj. 10 párr. 5).
Kánikuachi jarhuatauaka imeechani engaksï no sési nitamakuarhini jauaka engachi jorhendaaska Tata Diosï Jeobaeri ambe (Job 35:9, 10; Mt 28:19, 20; w21.05 páj. 7 párr. 19, 20).
2. Jukaparhakua ambe
(10 min.)
Job 35:7. Eliú kurhamarhispti Jobuni: “¿Ambe pʼirasïni [Tata Diosï] chiiti ambe?”. ¿Andisï ísï kurhamarhipi? (w17.04-S páj. 29 párr. 3).
¿Ambe jukaparhakua ambejtsï jorhenguarhiski Biblieri arhintskuarhu i semaneeri?
3. Biblieri arhintskua
(4 min.) Mt 5:31-48 (th jorhenguarhikua 10).
4. Ueena je uandontskuarheni
(3 min.) KʼUMANCHIKUECHARHU. Xarhata je nénajtsï uaa aiakuni kʼuiripuni Biblieri jorhenguarhikua ma (lmd jorhenguarhikua 10 puntu 3).
5. Ueena je uandontskuarheni
(4 min.) NANI UÉJKISÏ AIANHPINI. Imani kʼuiripuni enga sapiichani kaajka, exera je néna uaa ambakiti informasioni exentani jw.org jimbo ka exera je jima enga taatiicheeri ambe uandajka (lmd jorhenguarhikua 1 puntu 4).
6. Jesúsiiri chúxapati uaani
Pirekua 58
7. ¿Tsípikua jingontsï uandantasïni “Tata Diosïiri uandakuani” nani uéjkisïjtsï jámani jarhani?
(15 min.) Para kúnguarhikua jingoni exeni.
Pablu arhispti Timoteuni: “Uandanta Tata Diosïiri uandakuani; kánikua jánguarhinta” (2Ti 4:2). Uandakua “kánikua jánguarhinta”, griegu jimbo jiáni úrakuarhisïreendi para sondaduni ma arhikuekani o kuárini ma enga méntkisï jingontku jarheenga para jiáni enga uétarhipiringa. I uandakuechajtsïni jarhuatasïni exeni eska nani uéjkisïchi uandontskuarheni jarhani kʼuiripu ma jingoni, uétarhisïnga méntkisï jingontku jarhani para uandantani Tata Diosïiri ambe.
Xénchasïngachi Tata Diosï Jeobani ka ístuchi jukaparharasïnga ambe enga xáni újka juchantsïni jimbo, jimbochisï uéjka aianguani máteruechani na enga xáni sési járhati kualidadiichani jatsiaka ima.
Arhinta je Salmo 71:8. Ka kurhamarpi je:
¿Ambejtsï uékapirini aianguani máteruechani Tata Diosï Jeobaeri ambe?
Na engachi xáni xénchaajka kʼuiripuechani, úsïndi eskachi aianguauaka Tata Diosïiri ambe nani uéjkisïchi jámani jarhani.
Jatsiku je BIDEUNI, Na engaksï uánikua kʼuiripuecha niáraka míteni jurhimbikuani. Ka kurhamarpi je:
Engaksï erachiicha aianhpienga nani uéjkisïksï jámani jarhani, ¿néna jarhuataaspi uánikua kʼuiripuechani paraksï jurhimbikuani míteni?
¿Néna jarhuataaspi imeechani engaksï antesi iglesia ma jimbo jámeenga míteni ambe enga sési jimbo uandajka Biblia?
Xénchperakua engachi kʼuiripuecha jimbo pʼikuarherajka, ¿nénajtsïni jarhuatasïni no chéni ka aianhpini nani uéjkichi jámani jarhani?
¿Andijtsïsï exejki eska kánikua marhuasïnga aianhpini nani uéjkisïchi jámani jarhani?