2-8 DE SEPTIEMBRI
SALMOS 79-81
Pirekua 29 ka kómarhikua | Uandakuecha para ueenani (1 min.)
1. Xarhata je eskajtsï xénchasïnga Tata Diosï Jeobaeri nombrini enga xáni kʼéri ambeeka
(10 min.)
Jurajku je imani ambe enga no sési pʼikuastajka Tata Diosï Jeobani (Sl 79:9; w17.02-S páj. 9 párr. 5).
Kómarhi je Tata Diosï Jeobani ka uanda je imeeri nombrini (Sl 80:18; Ro 10:13; ijwbv 3 párr. 4, 5).
Tata Diosï Jeobani méntku xáni kánikua kóndeantauati imeechani engaksï kurhajchajka jimbokaksï xénchasïnga imeeri nombrini (Sl 81:13, 16).
Jatsiskachi para sési jámani parachi kuájpini Tata Diosïiri nombrini ka ísïksï máteruecha míteati eskachi Jeobaeri testigueska.
2. Jukaparhakua ambe
(10 min.)
Sl 80:1. ¿Andisï ménisï Biblia Joséeri nombrini úrajki para iámindu Israeli anapu tribuechani arhikuekaani? (it-2-S páj. 127 párr. 5, 6).
¿Ambe jukaparhakua ambejtsï jorhenguarhiski Biblieri arhintskuarhu i semaneeri?
3. Biblieri arhintskua
(4 min.) Jn 1:1-18 (th jorhenguarhikua 10).
4. Ueena je uandontskuarheni
(1 min.) KʼUMANCHIKUECHARHU. Arhi je kʼuiripuni eskajtsï uaaka jorhendani Biblieri ambe (lmd jorhenguarhikua 4 puntu 4).
5. Ueena je uandontskuarheni
(3 min.) NANI UÉJKISÏ AIANHPINI. Arhi je kʼuiripuni eskajtsï uaaka jorhendani Biblieri ambe (lmd jorhenguarhikua 4 puntu 3).
6. Ueena je uandontskuarheni
(2 min.) AIANHPINI JIMEESÏSÏ ENGA UÁNIKUA KʼUIRIPU JÁMAJKA. Arhi je kʼuiripuni eskajtsï uaaka jorhendani Biblieri ambe (lmd jorhenguarhikua 3 puntu 3).
7. Pʼorhembintani
(5 min.) KʼUMANCHIKUECHARHU. Imani kʼuiripuni enga antesi no uékapka jorhenguarhini Testiguecha jingoni joperu enga iásï uékajkia kurhaani, arhi je eskajtsï uaaka jorhendani Biblieri ambe (lmd jorhenguarhikua 8 puntu 3).
Pirekua 10
8. “Míteatiksï eska juchiiti nombri pímbinhasïiska”
(15 min.) Para kúnguarhikua jingoni exeni.
Jardini de Edénirhu, Satanási ueenaspti chkuanderakua ambe uandani Tata Diosï Jeobaeri ambe. Ka desde jiáni uératini kánikua jukaparhakuesti eskaksï iáminduecha míteaka eska Tata Diosïiri nombri pímbinhasïiska. Jimbosï jucha ka ístuksï ánjeliicha jatsika para xarhatani sinchi apoiariua Tata Diosï Jeobani o nómbe.
Satanási mámaru ambe uandasïndi Tata Diosïiri ka enga chkuanderakua ambeeka. Pori ejemplu, uandasïndi eska juramuti máeska enga no sési kámpijka ka eska no xénchpesïnga. ¿Chá kurhaaski máteru chkuandekua ambe? (Gé 3:1-6; Job 4:18, 19). Satanási ístu uandasïndi eska imeecha engaksï marhuakujka Tata Diosïni, nóksï sési jimbo xénchasïnga (Job 2:4, 5). Ka ístu imeeri kulpa jimbo, uánikua kʼuiripuechaksï no jakajkusïndi eska Tata Diosï Jeoba kueraaska xáni sési jásï ambe engachi exejka (Ro 1:20, 21).
¿Nénajtsï pʼikuarherasïni chá engajtsï kurhaajka ini chkuanderakua ambe? Uékasïngajtsï kuájpini Tata Diosï Jeobani, ¿no ísïiski? Tata Diosï seguru jarhaspti eska imeeri ireta jarhuatapiringa para aianguani kʼuiripuechani eska imeeri nombri pímbinhasïiska (Is 29:23). ¿Ambejtsï úpirini úni chá para apoiarini Tata Diosïni?
Jarhuataa je máteruechani paraksï míteni ka xénchani Tata Diosï Jeobani (Jn 17:25, 26). Jingontku ja je parajtsï xarhatani eska ima meru jarhaska ka jorhentpia je imeeri sési járhati kualidadiichani (Is 63:7).
Xéncha je Tata Diosï Jeobani iámu chaari mintsita jingoni (Mt 22:37, 38). Kurhajcha je Tata Diosï Jeobani no solu paraksïni sési nicheni sino parajtsï sési pʼikuastani (Pr 27:11).
Jatsiku je BIDEUNI Uékperakua no méni kʼamakurhisïndi... nájkirukaksï eskuelarhu no janhanharhiaka Tata Diosïni. Ka kurhamarpi je:
¿Ambeksï úspi Ariel ka Diego paraksï kuájpini Tata Diosï Jeobaeri nombrini?
¿Andiksïsï uékeeni kuájpini Tata Diosï Jeobani?
¿Nénachi uaa juchajtu májkueni úni?
9. Biblieri jorhenguarhikua kúnguarhikua jingoni
(30 min.) bt kap. 15 párr. 1-7 ka ueenakua partiiri 6.