Exentastiksï perla ma enga kánikua jukaparhaka

Jesúsi jorhentpispti eska Tata Diosïiri Reinu sési peentauaka iámindu kʼuiripuecheeri uandanhiateechani (Mateu 6:10). Mateu 13:44-46 jimbo, Jesúsi tsimani ejempluechani jatsikuaspti para xarhatani na enga xáni jukaparhakueka jurhimbikua Reinueri ambe:

• Achamasï ma enga kampurhu ánchikuarhini japka, ma repentku exentaspti ambe ma enga kánikua jukaparhaka ka enga inchaskukata japka.

• Kʼuiripu ma enga iauanisï nirajka negosiu ambe úni para ambakiti perleechani jirinhaani, exentasïndi perla ma enga kánikua jukaparhaka.

I tsimani achamasïicha, tsípikua jingonksï íntspikuarhispti iámindu ambe engaksï jatsikuarhepka paraksï úni piáni imani xáni jukaparhakua ambe engaksï exentapka. Iásïksï jarhasti kʼuiripuecha engaksï ísï újka eskaksï ima tsimani achamasïicha enga Jesúsi uandaapka: kánikuaksï jukaparharasïndi Tata Diosïiri Reinuni ka niárasïndiksï uánikua ambe jurajkuni paraksï úni jatsiani Reinueri kóntperateechani (Lukasʌ 18:29, 30). Ini bideu jimbo, exe je na engaksï tsimani kʼuiripuecha májkueni úpka eskaksï ima achamasïicha enga Jesúsi uandaapka.