¿Israeli ueenakuarhia Armajedoni? | ¿Ambe uandasïni Biblia?

Bibliarhu no nani uandasïndi eska jarhaska lugari ma nani enga úkuarhiaka Armajedoni. Joperu kʼóru uandasïndi eska Tata Diosï uarhiperaaka interu parhakpini anapu gobiernuechani jingoni.

•  “Demoniuechaksïsï uandaajti ini uandakuechani ka iámu echerirhu anapu juramutiichaksï kurhauasïndi ini uandakuechani [...] para tánaantani juramutiichani paraksï uarhipeni Tata Diosïiri kʼéri jurhiatikua jimbo, ima Tata Diosï enga iámindu ambe újka úni. [...] Ka jimaksï tánaantaspti juramutiichani enga ebreu jimbo arhinhajka Armajedoni” (Apokalipsisi 16:14, 16).

Har Meghiddohn, ebreu jimboesti enga ísï tradusirikuarhijka Armajedoni ka arhikuekasïndi “Meguidó anapu juáta”. Meguidó ireta máespti enga Israeli japka, jimboksïsï máru uandajti eska Armajedoni Israeli úkuarhiaka. Joperu, ni Meguidóisï nijtu Asia oesteisï (Oriente Próximo) xáni ambandi paraksï jima tánguarhintani iámu echerirhu anapu juramutiicha ka imeecheeri sondaduecha.

Libru Apokalipsisi uandaasïndi imajeniichani o ejempluechani para arhikuekani ambe ma (Apokalipsisi 1:1). Ísï jimbo, Armajedoni no lugari máesti, sino imanisï arhikuekajti na enga jánhaskuarhiaka jiáni engaksï interu parhakpini anapu nasioniicha últimu xanhari kúnguarhintaaka paraksï uarhipeni Tata Diosïiri Reinu jingoni (Apokalipsisi 19:11-16, 19-21).