¿Jakajkusïnksï Jesusini Jeobaeri testiguecha?

Jo. Jesusi mísmu uandaspti: “Ji jindeska xanharu, ka ji jindeska engani sési jimboeka, ka ístu ji jindeska tsípikua. Ka no nema jurhasïndi andarhierani Diosï Tátini enga no jíndini jimbo” (Juanu 14:6). Seguruchi jarhaska eska Jesusi jurhaska Echerirhu auandarhu uératini para íntspini imeri pímbinhasï tsípikuani komueska kéjtsïtakua ma (Mateu 20:28). Imeri uarhikua ka tsíntskua ústi eskaksï imecha engaksï mintsikaaka imani jatsiaka tsípikua para méntkisï (Juanu 3:16). Ístu, jakajkusïngachi eska Jesusi juramuxaka komueska Rei Tata Diosïri Reinueri enga auandarhu jaka ka enga no ióndani pínandikua juaaka iámu Parhakpinirhu (Jaŋaskuecha [Apocalipsis] 11:15). Peru, ima uandaspti: “Táti sánderu kʼéri ambes[ti] ka eskani ji” (Juanu 14:28). Juchachi jiókuarhiasïnga ini uandakuechani ka nochi jakajkusïnga eska Jesusi jindeska Tata Diosï enga Sánderu Uinhapitiika. Jimbochisï no kómarhijka.