¿Úsïnksï Jeobaeri testiguecha ánchikuarhita ma komueska misioneruecha?

Jo. Nani uéjkichi irekani, iámindu Jeobaeri testiguechachi jánguarhisïnga xásï ma jángua o eratsikua jatsini eska misioneru ma ka aprobecharisïngachi méntkisï engachi uáka para eianhpini Bibliaeri ambe (Mateu 28:19, 20).

Ístu, máru Testiguechaksï nirasïndi eianhpini —o jamberiksï mótsisïndi— lugaricharhu imecheri mísmu paisirhu engaksï uánikua kʼuiripu nótki kurhaajka ambakiti eianhperakuani Tata Diosïri Karakateri. Máteruechaksï asta mótsisïndi máteru paisi jimbo. Iámindu imechaksï tsípini pʼikuarherasïndi úni jarhuajpini kumplirini ini profesiani enga Jesusi uandapka: “Uandantaakajtsï juchiti ambe [...] asta jima enga sánderu iauaniika” (Ukuecha 1:8).

Uéxurhini 1943 jimbo, uaxastanhasti eskuela ma paraksï juchari misioneruecha sési jorhendanhani: Bibliaeri Jorhenguarhikua Galaadiri enga Watchtoweririka. Asta iásï jamberi, jukari ochu mili Testiguechaksï nirastia ini eskuelarhu.