4. ¿Tata Diosïjtsïni kueraaski parachi kómu nitamakuarhini?
¿Andisï jukaparhakue míteni?
Jimboka i ambe úsïnga eskachi ménderueni exeaka juchari tsípikuani.
Eratsi je arini ambe
¿Andisï Tata Diosï xáni sési jásï ambe kueraapirini parhakpinirhu enga ístu uékapiringa eskachi kómu nitamakuarhipiringa?
Máru kʼuiripuecha engaksï no ma relijioni jatsika, uandasïndiksï eskachi kómu nitamakuarhisïnga jimboka Tata Diosï no uandanhiasïnga juchantsïni jimbo o astaksï uandasïndi eska no jarhaska Kuerajpiri ma. Ísïksï eratsesïndi eska kómu nitamakua arini tanimu ambe xarhatasïnga: 1) eska Tata Diosï no úsïnga kʼamajkuni, 2) eska no uékasïnga ísï úni o 3) eska Tata Diosï no jarhaska.
Joperu ¿jaki máteru ambe engachi jimbo kómu nitamakuarhijka?
PARAJTSÏ SÁNDERU MÍTENI
Exe je pájinarhu jw.org bideuni ¿Andichisï uá mintsikani eska Biblia jurhimbitku uandasïnga?
Ambe enga Biblia uandajka
Tata Diosïjtsïni no kueraasti parachi kómu nitamakuarhini
Ima uékasïndi eskachi tsípikua jingoni irekaaka.
“No jarhas[ti] sánderu ambakiti ambe para imecha, eskaksï tsípikuarhiaka ka imani ambeksï úni enga sési jaka na engaksï xáni irekaaka, ka ístu eskaksï iáminduecha tʼireaka ka itsïmani, ka eskaksï tsípikuarhiaka imecheri ánchikuarhita jimbo. I ambe Tata Diosïri intsïmperata máesti” (ECLESIASTÉS 3:12, 13).
Enga Tata Diosï kueraapka Adani ka Ebani, iámindu ambe sési jarhaspti
Tata Diosï no uékasïrendi eskaksï Adani ka Eba kómu nitamakuarhipiringa ni imecheri uájpecha.
“Tata Diosï újchakuraaspti ka [...] arhiaspti: ‘Kánguarhia je sapiichani ka uánikua úkuarhi je ka uinira je echerini ka ánchita je’” (GÉNESIS 1:28).
Orheta temungurhiri no uékaspti kurhajchani Tata Diosïni
Engaksï ísï no kurhandirapka, úspti eskaksï kánikua kómu nitamakuarhipiringa imecha ka ístu imecheri uájpecha.
“Ísï jimbo eska pekadu na juka parhakpinirhu, máechakua kʼuiripuni jimbo ka pekaduni jimbo uarhikua, ka ísï uarhikua pakarani para iámindu kʼuiripuecha jimbokaksï iáminduecha pekadu úska” (ROMA 5:12).a
Tata Diosïjtsïni no kueraasti parachi jandiajku orhepani uérani
Ísï eskachi na no kueraanhaka parachi úni itsïrhu irekani, ístuchi no kueraakata jarhaska parachi jucha mismu juramukuarhini.
“Kʼuiripu enga xanharani jaka ni sikiera sésikua jatsi para exeni nani enga ísï jatsika para xanharani” (JEREMÍAS 10:23).
Tata Diosï no uékasïndi eskachi kómu nitamakuarhiaka
Imajtsïni íntsaasïndi konsejuechani parachi no xáni uandanhiatechani jatsiani.
“¡Engari meru kurhajchaapiringa juchiti mandamientuechani! Jimajkani chíti pínandikua niárapirindi ísïini eska riu ma” (ISAÍAS 48:18).
a Biblia úrasïndi uandakuani kʼamanharhintskua, no solu para imani ambe arhikuekani engachi no sési ambe újka, sino ístu para imani kʼamanharhintskuani arhikuekani engachi iámindu kʼuiripuecha kérikuarhika.