Ambakiti konsejuecha para tsípikua jingoni irekani
“No sési pʼikuarherasïnga engani exejka na enga xáni no sési jánhaskuarhini jaka parhakpinirhu, guerrecha jimbo, enga kʼuiripu no jatsikuarheka, pʼamenchakuecha jimbo ka engaksï no sési kaajka sapiichani. Joperuni míteskia eska sánderu orhepani ambakiti ambe jauaka” (RANI).a
Rani jiáni úspti tsípikua jingoni irekani enga míteapka konsejuechani juchaari Kueraajpiri enga Iámu ambe Újka Úni. Engajtsï arhintaaka rebistani, exe je néna engaksïni Tata Diosï jarhuataaka arini ambe jatsini:
Tsípikua jingoni irekani familia jingoni.
Sési pájperani máteruecha jingoni.
Sési pʼikuarherani imani ambe jingoni engachi jatsika.
Kurhanguni andichisï kómu nitamajki ka uarhini.
Mintsikani eska sánderu orhepani nóteruchi kómu nitamakuarhiaka ka tsípikua jingoni irekani.
Sési míteni juchaari Kueraajpirini ka andarhierani.
Ístujtsï exeaka eska juchaari Kueraajpiriri ambakiti konsejuecha no solu jindeeska para márku kʼuiripuecha, sino para iámindu imeecha engaksï jirinhantajka imani.
a Mójtakukuarhistiksï nombricha.