Jorhenguarhikua 1

Cha néna uá mítini ambe kurhajkuarhisïni Tatá Diosï

¿Ambe uandasïni Bibliarhu, enga kánikua jukaparhakueka? (1)

¿Né kararkuarhiski Bibliani? (2)

¿Cha andisï jatsi para jorhenguarhini Bibliari ambe? (3)

1. Biblia Tatá Diosïri intsïmperakua máesti enga kánikua jukaparhakueka. Ísïsti eska ma karakata enga ma táti jémba uékpiti marhoatajka para uandontskuarhini imeri uájpechani jingoni. Jurhimbikua jingontsïni aiangusïndi Tatá Diosïri ambe: néski ima ka nákiskiksï imeri juramukuecha. Aiangusïndijtsïni néna urhepani uérakuani uandanhiatechani ka néna exentani tsípekuarhita enga sési jimboeka. Bibliajkujtsïni aiangusïndi ambe enga uétarhijka úni para Tatá Diosïni jaiapanherantani (Jaŋaskuecha 1:3; Santiagu 1:25).

2. Bibliani karantasptiksï tsimani ekuatsi ísï achaticha, uénaspti karakuarhini uéxurhini 1513 enga tatá Jesúkristu nótki jurhemga echerirhu, ka mili seisientos uéxurhini nitamaspti paraka kʼamakurhipiringa karakuarhini. Biblia jukanharhiasti 66 takukata sapirhaticha. Tatá Diosï arhiaspti imani kararichani ambe engaksï karapiringa, jimajkani karantasptiksï Tatá Diosïri eratsikuechani ka no imecheri eratsikuechani. Ísï jimbo, Biblia no kʼuiripuecheristi sino Tatá Diosï auandarhu anapueri (2 Timoteo 3:16, 17; 2 Pedru 1:20, 21).

3. Tatá Diosï úspti eska Biblia mónharhitanhantapiringa jurhimbikua jingoni ka eska iásï jamberi japiringa. No jarhasti máteru takukata enga xáni uánikua únhantaka eska Biblia. No iáminduecha tsípiati enga cha jorhenguarhini jauaka Bibliari ambe, joperu cha ásï jurajku je eskaksïni inde ambe pʼínguaka. Enga cha uéjka irékani para méntkisï jatsiskajtsï para mítini Tatá Diosïni ka úni ambe enga ima uéjka, najkirukaksï máteruecha no uékaka (Mateu 5:10-12; Juanu 17:3).