Jorhenguarhikua 2
¿Néski Tatá Diosï?
¿Néski Tatá Diosï enga sési jimboeka, ka ná arhinhasïni? (1, 2)
¿Ná jásï kuerpu jukaski Tatá Diosï? (3)
¿Ná jásïski Tatá Diosï, ná uandasïni Biblia? (4)
¿Sési jaki úrani diosï úkatechani, o máteru ambe para Tatá Diosïni kómarhini? (5)
¿Ambe tsimani ambe jimbo, jucha uá jorhenguarhini Tatá Diosïri ambe? (6)
1. Kʼuiripu uánikua ambe kómarhisïndi. Joperu, Bibliajtsïni arhisïndi eska máechakuajku Tatá Diosï jarhaska enga SÉSI JIMBOEKA. Ima kuerasti iámindu ambe enga auandarhu ka echerirhu jaka, ka ístujtsïni íntskusti tsípekuani ísï jimbo imajku jindesti enga jucha jatsika para kómarhini (1 Korintu 8:5, 6; Jaŋaskuecha 4:11).
2. Najkirukaksï mámaru arhinhakuechani jimbo uandajpajka Tatá Diosïni, ima máechakuajku arhinhakua jatsisti: JEOBÁ. Uánikua Bibliauechani jimbo pʼikunharhikuntastiksï Tatá Diosïri arhinhakuani ka xánkisïksï jatsinharhikuntasti Diosï o Tatá. Joperu, enga Biblia karakuarhipka, jukanharispti siete mili xanharhi Tatá Jeobéri arhinhakua (Éxodo 3:15; Salmo 83:18).
3. Tatá Jeobá jukasti ma kuerpu, najtuka no xásï eska juchari. «Diosï Espírituesti», ísï uandasïndi Biblia (Juanu 4:24). Ma espíritu no ísïsti eska jucha, tsípikua máesti enga iauani sánderu kʼéri ambeka. Nóma kʼuiripu jarhasti enga exeka Tatá Diosïni. Najtuka Tatá Jeobá auandarhu irékaka, ima iámindu ambe úsïndi exeni (Salmo 11:4, 5; Juanu 1:18). ¿Ka ambeski espíritu santu? No kʼuiripu máesti ísï eska Tatá Diosï, sino Tatá Diosïri uinhapikua (Salmo 104:30).
4. Bibliajtsïni jorhendasïndi ná enga jásïka Tatá Jeobá. Uandasïndi eska ima uékpesïnga, jurhimbitiska, mímixeti ka uinhapiti (Jaŋaskuecha 16:5; Job 12:13; Jaŋaskuecha 11:17; 1 Juanu 4:8). Ístu uandasïndi eska pʼamojpisïnga, puátspentasïnga, sési kámpisïnga, tekantasïnga ka intsïmpirini. Komueska imeri uájpecha engaksï kurhajchajka, jucha jatsiska para imani terokukuntani (Efesu 5:1, 2).
5. ¿Sési jaki tinguixurhikuani ka uandatsikuarhikuani diosï úkatechani, o máteru ambe? Nómbe (1 Juanu 5:21). Tatá Jeobá uandasïndi eska jucha imantku jatsiska para kómarhini. Ima, no nemani, ka ni ambe máni íntskujki imeri kʼérikuani. Ístuksï, diosï úkatecha nóma uinhapikua jatsistiksï parajtsïni jarhoatani (Jaŋaskuecha 9:20; Isaías 42:8).
6. ¿Jucha néna uá sánderu sési mítini Tatá Diosïni? Ma ambe jindesti, exeparhini ambe enga ima kueraka ka sési eratsintani ambe engajtsïni aiangujka Tatá Diosïri ambe. Tatá Diosïri kuerakatechajtsïni xarhatachisïndi eska ima jatsiska kánikua uinhapikua ka mímixekua. Iámindu imeri kuerakatani jimbo jucha exesïnga imeri uékperakuani (Salmo 19:1-6; Roma 1:20). Máteru ambe engajtsïni jarhoataka para mítini Tatá Diosïni, jindesti jorhenguarhini jarhani Bibliari ambe. Jimintsïni aiangusïndi sánderu, ná enga jásïka Tatá Diosï. Ístujtsïni aiangusïndi ambe enga ima uáka, ka ambe enga uéjka eska jucha uáka (Amós 3:7; 2 Timoteo 3:16, 17).
[Ilustrasioni pájina 5 anapu]
Imeri kuerakata ka Bibliani jimbo, jucha mítisïnga Tatá Diosïni