Jorhenguarhikua 15

Ju je jarhoatani máteruechani, úni ambe enga Tatá Diosï uéjka

¿Cha andisï jatsi para uandantani indeni engajtsï jorhenguarhini jaka? (1)

¿Néchantsï uá aiánguani íni ambakiti eianhperakuani? (2)

¿Chári jángua néna uá jarhoatani máteruechani? (2)

¿Cha káni uá eianhpini kúnguarhikuani jingoni? (3)

1. Cha uánikua ambakiti ambe jorhenguarhiskia Bibliaueri ambe, ka inde ambeksïni jarhoauati, májkueni eratsini eska tatá Jesúkristu (Efesu 4:22-24). Ístu inde mímixekua kánikua jukaparhakuesti para úni pʼirani tsípikua para méntkisï (Juanu 17:3). Joperu máteruechajtu jatsisti para kurhanguni indeni ambakiti eianhperakuani, para úni pʼímutantskatenhksï. Iámindu sési jimbo Jesúkristueri chúxapaticha jatsistiksï para eianhpini, jimboka Tatá Diosïri juramukua máeska (Roma 10:10; 1 Korintu 9:16; 1 Timoteo 4:16).

2. Uénani jámani, uákajtsï aiánguani íni ambakiti ambe chári kʼumanchikuarhu anapuechani, pʼíchpirichani, jorhentpekuarhu anapu pámpirichani ka imechani enga chánhksïni jingoni ánchikuarhijka. Aiangua je uékperakua ka tekantskua jingoni (2 Timoteo 2:24, 25). Miánta je eska kʼuiripu sánderu exesïnga juchari jánguani ka eska juchari uandakuechani. Ísï jimbo, chári sési jángua uáti úni eska máteru kʼuiripuecha jiókuarhiaka ambe enga cha aianguauaka (Mateu 5:16; 1 Pedru 3:1, 2, 16).

3. Cha jamberi sánderu urhepatini uáka ambe enga uétarhijka parajtsï úni uérani eianhpini Jeoberi eianhpirichani jingoni. Kánikua jukaparhakuesti indeni ambe úni, jimboka cha ísï xarhatani jauaka eskajtsï urhepaxaka (Mateu 24:14). ¡Náxani kʼéri tsípekuarhita máepirini enga cha, jarhoatapiringa nemani Tatá Jeobáni marhoakuni ka imajtu pʼirani tsípekua para méntkisï! (1 Tesalonika 2:19, 20.)