Jorhenguarhikua 16

Aiakukuarhi je Tatá Diosïni ka itsï atakuarhi je

¿Ambejtsï uá cha para úni Tatá Diosïri pʼíchpirini? (1, 2)

¿Nénajtsï aiakukuarhia Tatá Diosïni? (1)

¿Cha káni jatsiski para itsï atakuarhini? (2)

¿Nénajtsï uá uinhapikua jatsini, para méntkisï Tatá Diosïni jingoni jámani? (3)

1. Para jindéni Tatá Diosïri pʼíchpirini, uétarhisïndi jatsini ambakiti ka jurhimbiti mímixekua Bibliari anapuni (1 Timoteo 2:3, 4), jakajkuni ambe engajtsï jorhenguarhikia (Ebreu 11:6), moantani chári kʼamanharhintskuechani, (Ukuecha 17:30, 31) ka tátsepani jurajkuni chári no sési jasï irékuani (Ukuecha 3:19). Tátsekua, ima uékperakua enga cha pʼikuarherajka Tatá Diosïni jimbo, pʼikuarhinhitatiksïni aiákukuarheni Tatá Diosïni. Inde arhikuekasïndi eska cha jandiajkumindu kómarhikuarhiaka Tatá Diosïni jima enga pínandiaka, para arhini eska cha aiakukuarhexaka para úni ambe enga ima uéjka (Mateu 16:24; 22:37).

2. Engajtsï ná aiakukuarhiakia Tatá Diosïni, jimajkani cha jatsiska para itsï atakuarhini (Mateu 28:19, 20). Itsï atakuarhikua iáminduechani mítetarasïndi eskajtsï aiakukuarheskia Tatá Jeobáni. Ísï jimbo imajkuksï itsï atakuarhesïndi engaksï sési kʼérikia parakaksï uáka jandiajkumindu eratsikuareni Tatá Diosïni marhoakuni. Enga ma kʼuiripu itsï atakuarhijka, jatsisïndi para iámindu imeri kuerpu itsïrhu inchaminia (Markusʌ 1:9, 10; Ukuecha 8:36).

3. Engajtsï ná aiakukuarhiakia Tatá Jeobáni, ima erokuarhesïndi eska cha ísï irékaka eskajtsï na pakarakia imani jingoni (Salmo 50:14; Eclesiastés 5:4, 5). Noambakiti mámaru ambe uáti, para cha jurajkuni Tatá Jeobáni (1 Pedru 5:8). Joperu, andarhiera je Tatá Diosïni, kómarhikua jimbo (Filipusʌ 4:6, 7). Arhinta je pauani pauani Tatá Diosïri karakatani (Salmo 1:1-3). Ásï jarhari je kúnguarhikuani (Ebreu 13:17). Enga cha úska iámindu íni ambe, jatsiakajtsï uinhapikua para méntkisï Tatá Diosïni jingoni jámani. Ka cha uáka úni ambe engaksïni ima kurhachiaka para méntkisï.

[Nota]