Tatá Diosïri pʼíchpiricha noksï úsïndi no sesi jasï ambe

Satanasijtsïni tsitirasïndi para imani ambe uni enga no sesika. Enga jucha uéjka Tatá Diosïri pʼíchpirini, jucha jatsiska para ikimchani imani ambe enga Tatá Jeobá ikimchajka (Salmo 97:10). Ju je exeani máru ambe engaksï Tatá Diosïri pʼíchpiricha jatsika para kéndikukuni:

Ísku jándikua. «Asï ísku jándi úkuarhi.» (Roma 13:9.) Istu no sesi jarhasti kúrperani engaksï no tembuperatini jarhajka (1 Korintu 6:18).

Kauikua. «No niáratiksï Diosïri juramukuarhu [...] tsʼïma engaksï kauijka.» (1 Korintu 6:9, 10.)

Uándikperakua o uándikuni ma charhakuni enga nótki andajpenuni jarhajka. «Asï uándikpi.» (Santiagu 2:11.)

Sïpani. «Ima enga sïpatspiamga, ásteru sïpatspie.» (Efesu 4:28.)

Chikuanderakua. Tatá Jeobá kurunhiasïndi imani kʼuiripuechani engaksï chikuanderajka (1 Timoteo 1:8-10).

Uarhiperakua ka kánikua kurhurásïkua. Tatá Jeobá uandasïndi «ásteru ikiancha je, sino késtata je chári mintsitecharhu iámindu ikiakua, ka kurhurásïkua, ka uinhachatsperakua ambe ka arhinchperakua» (Efesu 4:31). Kurhurasïkua jindesti ma ambe enga mintsita tamapueri úkueka (Galasia 5:19, 20).

Chʼanani tumina jimbo. Asï jáma je kúnguarhini imechani jingoni engaksï [...] tsitijka jatsikuarhikuani (1 Korintu 5:11).

Kurhunhiani imechani engaksï no májkueni kolorika eska jucha. «Uea je chári ikiatspitichani, [...], ka kómarhijpikuani tsʼïmani engaksïni no sesi arhijka ka noksïni sesi kámani.» (Mateu 5:43, 44.)

Ambe engajtsïni Tatá Diosï arhijka jindesti parakajtsïni sesi nicheaka. Ménichani isï úkua jukasïndi ambakiti ambejku uni, joperu Tatá Jeobá ka engaksï imeri ambe uandantajka jarhuauatiksïni paraka cha uáka kénditani ambe enga Tatá Diosï no jaiapanhintajka (Isaías 48:17; 2 Korintu 4:7; Ebreu 10:24, 25).