Enga uandanhapka eska úkuarhipiringa ka enga iásï jamberi úkuarhini jaka

ENGA Jesusi juata Olibusïrhu japka —jima uératini sési erakuarhisïrendi Jerusaleni ka imeri templu—, tʼámu apostulichaksï andarhieraspti ka sïpatikuarhuksï arhispti eska aianguapiringa ambe arhikuekasïreni ima ambe enga uandapka. Jimboka Jesusi kʼamakuspka uandani eska templu xerenhantapiringa, ístu arhiasptia ambe enga úkuarhipiringa “enga kʼamarani jámakia iámindu ambe enga xáni úkuarhini jaka parhakpinirhu” (Mateu 13:40, 49, NM). Isï jimbosïksï kurhamarhipti: “¿Káni úkuarhia i ambe, ka ambe úkuarhini jaua engari tʼu jingontku exeani jauakia kʼuiripuechani ka enga kʼamarani jámakia iámindu ambe enga xáni úkuarhini jaka parhakpinirhu?” (Mateu 24:3, NM).

Jesusi mókukuaspti ka arhiaspti ambe úkuarhipirini ante de Jerusaleni ka imeri templu kʼamajkunhani. Joperu ima ambe enga Jesusi uandapka no jiájkantku úkuarhepirindi, sino tátsekua úkuarhepirindi iámindu parhakpinirhu. Parakaksï kʼuiripuecha mítipiringa káni uénapirini Jesusi jingontku exeani jarhani kʼuiripuechani, jatsipirindiksï para jingontku jarhani paraksï úni exeni ambe enga nitamani japiringa: uánikua ambe uénapirindi xarharani iámu parhakpinirhu májku jurhiatikuechani jimbo. I ambe xarhatapirindi eska Jeoba Juramuti úspkia Jesusini imeri Juramukuarhu. Ka eska i juramukua sóntku kʼamajkupiringa iámindu no sési jásï ambeni ka eska japiringa pínandikua iámu parhakpinirhu. I ambe enga Jesusi uandapka, xarhatapirindi eska iámu parhakpinirhu xáni politikani, religionini ka eskaksï na irekajka kʼuiripuecha, janokuani japiringia jurhiatikua paraksï kʼamajkunhani ka eska jimbanhi parhakpini uénakuarhipiringia.

Jesusi uandaspti eska, enga ima uénapiringia juramuni auandarhu, iámindu Parhakpinirhu japirindi uarhiperakuecha, kʼarhingua, jenchekuecha ka kʼérati pʼamenchakuecha. Ístu, nóteruksï jukaparharapirindia juramukuechani. Ka uandaspti, eska imeri sési jimbo jorhenguarhiticha iámindu nasionichani jimbo aianhpini japiringaksï ambakiti eianhperakua Tata Diosïri Juramukuerini. Iámindu i ambe kʼamarhukupirindi “kʼéri mískuarhita ma” jingoni, i jindeuati ma ambe enga no méni úkuarhini jaka (Mateu 24:21).

¿Nénaksï mítipirini kristianuecha eska janoxakaia inde jurhiatikua? Jesusi arhiaspti imeri jorhenguarhitichani: “Pʼi je jigusïri ejemplu” (Mateu 24:32). Enga ma jigusï úndani jarhajkia tsikirhikuarhintani, mítisïngachi eska emenda janonguaxakaia. Ístu, engachi exepiringia úkuarhini jarhani iámindu ambe enga Jesusi uandapka, mítipiringachi eska parhakpini kʼamarakua janoxamkia. Joperu, Jesusi uandaspti eska imeri Tátembajku jindespka enga mítipka káni jupirini ima jurhiatikua, ka káni uénapirini kʼéri mískuarhita. Isï jimbosï uandapti: “Xeparini ka jingontku je [...] jimbokajtsï no mítiska na enga jatini niáraka ima jurhiatikua” (Markusʌ 13:33).

(Pʼitakata jarhasti Mateu kapituluecha 24 ka 25, Markusʌ kapitulu 13 ka Lukasʌ kapitulu 21.)