¿Nénachi uá andarherani Tata Diosïni?

1. ¿Kurhauajki Tata Diosï iámindu kómarhikuechani?

Tata Diosï pʼímarhiaxati mámaru jásï kʼuiripuechani parakaksï andarheraaka kómarhikua jimbo (Salmo 65:2). Peru Jeoba no iámindu kómarhikuechani kurhauasïndi. Enga ma achati no sési kámaaka témbani, no uáti seguru jarhani eska Tata Diosï kurhaauaka imeri kómarhikuechani (1 Pedru 3:7). Ióntki, engaksï israelitecha no sési jásï ambe uáenga, Tata Diosï no jiókuarhiasïrendi imecheri kómarhikuechani. Peru Tata Diosï kurhauasïndi imechani engaksï jurajkujka imecheri no sési jánguani. Arhinta je Isaías 1:15 ka 55:7.

Exe je bideuni ¿Kurhauajki Tata Diosï iámindu kómarhikuechani?

2. ¿Nénachi jatsiski para kómarhini Tata Diosïni?

Engachi kómarhijka Jeobani, xarhatasïngachi eska ima jindeeska juchari Tata Diosï, jimbochisï jatsika para imantku kómarhini (Mateu 4:10; 6:9). Jucha pekadoriska, ka Jesusi uarhisti juchantsïni jimbo, jimbochisï jatsika para Jesusiri arhinhakuani jimbo kómarhikua úni (Juanu 14:6). Jeoba uékasïndi eskachi mintsitarhu uénhikuarhiauaka kómarhikuechani ka no eskachi karaauaka o eskachi méntkisï májku jásï ambe arhini jauaka. Arhinta je Mateu 6:7 ka Filipusʌ 4:6, 7.

Jeoba imani kómarhikuechani jamberi kurhauasïndi engachi eratsikuarku uájka (1 Samuel 1:12, 13). Imajtsïni arhisïndi eskachi uáka kómarhini na uéjki jatini, desde enga jurhiata uérajka asta enga chúrijka, engachi tʼireni jámajka ka engachi uandanhiata ambe jatsiaka. Arhinta je Salmo 55:22 ka Mateu 15:36.

3. ¿Andiksïsï tánguarhijki kristianuecha?

Andarherani Tata Diosïni no fásilisti, jimbokachi irekaxaka ini Parhakpini jimbo engaksï uánikuecha no jakajkujka Tata Diosïni ka engaksï teresmarhujka Tata Diosïri eiatsperakuani enga uandajka eska sési irenhaaka (2 Timoteo 3:1, 4; 2 Pedru 3:3, 13). Uétarhisïndi eskachi uinhaperperantaaka, jimbochisï jatsika para juchari erachichani jingoni jarhani. Arhinta je Ebreu 10:24, 25.

Kúnguarhini imechani jingoni engaksï uékajka Jeobani, jarhuatatijtsïni parachi andarherani imani. Tánguarhikuechani jimbo engaksï Jeobaeri testiguecha jatsiajka, mítiasïngachi kʼuiripuechani engaksï kʼéri jakajkukua ma jatsika ka inde ambejtsïni kánikua jarhuatasïndi. Arhinta je Roma 1:11, 12.

4. ¿Nénajtsï uá andarherani Tata Diosïni?

Uákajtsï andarherani Jeobani eratsintaparini imani ambe engajtsï jorhenguarhini jaka Bibliarhu. Eratsinta je imani ambe enga ima úka, imani ambe engajtsïni arhistachijka ka imeri eiatsperakuechani. Kómarhini ka eratsintani ini ambe, jarhuasïndijtsïni exeni na enga xáni kánikueka Tata Diosïri uékperakua ka imeri jánhaskakua. Arhinta je Josué 1:8 ka Salmo 1:1-3.

Chájtsï uáka andarherani Tata Diosïni engajtsï mintsikaaka ka jakajkuni imani. Peru jakajkukua, ísïsti eska ma kʼuiripu enga uétarhinchajka tʼirekua. Chájtsï jatsiska para pauani pauani uinhaperantani chári jakajkukuani, ¿néna? Engajtsï eratsintaaka andijtsïsï jakajkujki ini ambe. Arhinta je Mateu 4:4 ka Ebreu 11:1, 6.

5. ¿Nénaksïni marhuachia andarherani Tata Diosïni?

Jeoba uandanhiasïndi imechani jimbo engaksï uékajka imani. Ima kuájchakuasïndi paraka no ma ambe ma kʼamajkuaka imecheri jakajkukuani ka parakaksï no tsïtakuarhiaka imani tsípikuani para méntkisï enga jauaka sánderu orhepatini (Salmo 91:1, 2, 7-10). Tata Diosïjtsïni arhisïndi na engachi jámaaka parachi sési ka tsípikua jingoni irekani ka parachi no úni imani ambe engajtsïni uáka pʼamenchatarani. Arhinta je Salmo 73:27, 28 ka Santiagu 4:4, 8.