¿Nájtsï exesïni cha Bibliani?

AMBE ENGA BIBLIA UANDAJKA

“Iámindu Diosïri karakata, Diosïni jimboesti.” (2 Timoteo 3:16, Jimbaŋi Eiatsperakua Tata Jesukristueri.)

NÉNAKSÏNI MARHUACHISÏNI JAKAJKUNI INI AMBE

Uaakajtsï mítiani mókuntskuechani para ima kurhamarhikuechani engajtsï jatsiaka irekakueri ambe (Proverbios 2:1-5).

Bibliaksïni ambakiti arhistakua íntskusïndi parajtsï sési irekani pauani pauani (Salmo 119:105).

Uaakajtsï ambakiti erokuarhikua ma jatsini enga niáraka ísïni (Roma 15:4).

¿UAAJTSÏ JAKAJKUNI AMBE ENGA BIBLIA ARHIJKA?

Jo, arini ambe jimbo:

• Iámindu ambe sési terokuntasïndi. Bibliani, kuarenta ísï achatichaksï karasti ka mili seisientusi uéxurhini jimbo kʼamarastiksï karani. Nájkirukaksï namunitku úpka mítperani, Bibliarhu iámindu ambe sési terokuntasïndi ka májku amberi uandasïndi.

• Kararichaksï jurhimbikua jingoni uandantasti iámindu ambe. Uánikua kararicha nóksï karantasïndi engaksï imecheri iretecha tsïtajka guerrecharhu. Peru imecha engaksï Bibliani karaka, iámindu ambeksï jatsikusti, asta imani ambe engaksï imecha mísmu ka imecheri nasioni no sési úpka (2 Crónicas 36:15, 16; Salmo 51:1-4).

• Bibliaeri profesiaecha méntkisï kumplirikuarisïndi. Sánderu de 700 uéxurhini ante de Mesiasi andajpenuni, Biblia tʼuini uandasptia eska Beleni andajpenupiringa, ireta sapichurhu ma, Juda anapu (Miqueas 5:2). Jiájkani, ¿nanimindu andajpenupi Jesusi? Indeni iretarhu, Beleni (Mateu 2:1-6).

  Uánikua máteru Bibliarhu anapu profesiaechaksï niáraspti úkuarhini ísï eska na karakata japka. ¿No i ambeski engachi erokuarhipiringa Tata Diosïri Karakateri? (2 Pedru 1:21.)