¿Némindusï juramujki i parhakpinirhu?

AMBE ENGA BIBLIA UANDAJKA

“Iámindu parhakpini anapuecha noambakitiri juramukua jimbo jarhas[ti].” (1 Juanu 5:19.)

“Ka ini jimbomindu jurhasti Diosïri Uájpa, para xereantani noambakitiri úkuechani.” (1 Juanu 3:8, Jimbaŋi Eiatsperakua Tata Jesukristueri [JEJ].)

NÉNAKSÏNI MARHUACHISÏNI JAKAJKUNI INI AMBE

Uaakajtsï kurhanguni andisï uéna jarhani uandanhiatecha parhakpinirhu (Jaŋaskuecha [Apocalipsis] 12:12).

Uákajtsï mintsikani eska i parhakpinirhu sési jánhaskuarhentaaka (1 Juan 2:17).

¿UAAJTSÏ JAKAJKUNI AMBE ENGA BIBLIA ARHIJKA?

Jo, arini ambe jimbo:

• Uandakata jarhastia ambe enga úkuarhiaka Satanasiri gobiernuni jingoni. Jeoba uandasti eska kʼamajkuaka Satanasiri juramukuani para nóteru juramukuania kʼuiripuechani. Ima aiatspesïndi “ísku ambeerantani [...] Noambakiti[ni]”, i ambe arhikuekasïndi eska Jeoba sési pentaaka iámindu ambe enga Satanasi no sési úka (Ebreu 2:14).

• Tata Diosï, Jesukristuni erakusti para juramutini. Jesusi no ísïsti eska i parhakpinirhu anapu juramuti enga xáni no ambakika ka enga no uandanhiajka máteruechani jimbo. Jeoba aiatspesïndi eska Jesukristueri gobiernuni jimbo: “Pʼamojkukua xarhatakuaka imani enga kaxumbitika ka pobrini [...]. Imecheri tsípikua euajpinhantaati no sési kámpikuarhu ka atajperakuarhu” (Salmo 72:13, 14, Traducción del Nuevo Mundo).

• Tata Diosï no méni chkuanderasïndi. Biblia uandasïndi eska “Diosï nómindu ú[sïnga] chkuanderani” (Ebreu 6:18, JEJ). Ísï jimbo, enga Jeoba eiatspijka ambe ma, uákajtsï seguru jarhani eska ísï uáka (Isaías 55:10, 11). Ka ambe enga eiatspikia jindesti eska “petanhantaa[ka] i parhakpini anapu juramuti” (Juanu 12:31).