Sekretu ma engachi uékajka mítini

¿Mítiskiri ambeski sekretu ma?...a Sekretu ma, ambe máesti engaksï no uánikuecha mítika. Biblia uandasïndi ambakiti ambeeri “enga no mítinhapka” ka enga Tata Diosïrika. Uénakuarhu no nema mítispti. Ka asta ánjilichaksï jamberi uékasïrendi mítini ambespi. ¿Uékapiriniri mítini ini sekretuni?...

Iónistia, enga Tata Diosï úka orheta achatini ka orheta uarhiitini. ¿Náksï arhinhasïreni?... Adani ka Eba. Jardini Edenirhuksï irekaspti. Tata Diosï jima ireraaspti, ka jima kánikua sési jándespti. Tata Diosï uékasïrendi eska Adani, Eba ka imeri uájpecha kánikua sési jántskapiringa iámu Echerini, ísï eska Edeni. Uékasïrendi eskaksï paraisurhu irekapiringa iáminduecha para méntkisï. Peru no úkuarhisti. ¿Andi?

Iásïchi no irekaxaka paraisurhu, jimbokaksï Adani ka Eba no kurhajchaska Tata Diosïni. Peru Tata Diosï aiatspesti eska ma jurhiani iámu Echeri paraisu máeuaka. Iáminduksï tsípikua jingoni irekaati ka para méntkisï. ¿Néna uá i ambe? Iónisï no nema mítispti. ¡Sekretu máespti!

Peru sánhani arhisti mítikuarhini. Enga Jesusi Echerirhu jupka, jorhendaspti kʼuiripuni nákispi i sekretu. Jorhendaaspti eska Tata Diosïri Reinuespka. Engachi kómarhijka Tata Diosïni, kurhakusïngachi: “Jaue ixú parhakpinirhu chíti juramukua”. ¿Andi? Jimboka inde Reinusï sési jásï paraisu ma úntaati Echerini.

¿Uékapiriniri irekani indeni paraisurhu?... Miá eskaksï imechajkusï irekaaka Paraisurhu engaksï kurhajchaaka Tata Diosïni. Biblia uánikua ambe uandasïndi imecheri engaksï kurhajchaka Tata Diosï Jeobani. I foieturhu, jorhenguarhiakachi néspiksï ka nénachi uá májkuenini eska imecha. ¿Uékapiriniri mítiani?...