Jimbanhi orhejtsïkuti ma ka tsimani nanaka balientecha

Josue ióni orhekupaspti Jeobaeri iretani ka 110 jatiri uarhispti. Enga Josue tsípiti japka, israelitechaksï marhuakuspti Jeobani. Peru enga uarhipkia, úndasptiksï idoluechani kómarhiani ísï eska Kanaani anapuecha, nóteruksï kurhajchasptia Jeobani, jimbosï ima jurajkupti eska Kanaani anapu rei Jabini, no sési úkuapiringa. Jimajkani, ireta kómarhispti Jeobani eska jarhuataapiringa. Jimbosï Jeoba jimbanhi orhejtsïkuti ma íntsapti enga Baraki arhinhaenga. I, jarhuataapirindi paraksï ménderu marhuakuni Jeobani.

Profetisa Débora, pʼitajkuarhispti Barakini para aianguni ambe enga Jeoba uandapka: “Ní iorhekua Sisónirhu, 10,000 soldaduecha jingoni parari Jabiniri ejersitu jingoni uarhipeni. Jimari andaaka Sísarani, ejersitueri jefeni”. Baraki arhispti Déborani: “Niuaka engari t’u niraska jíndeni jingoni”. Ka ima arhispti: “Niuaka tʼunguini jingoni, peru jatsiskari para mítini eskari no tʼu uándikuaka Sísarani. Jeoba uandastia eska nanaka máeuaka”.

Débora, Baraki ka imeri ejersitu, karhamasptiksï Taboriri juátarhu paraksï prepararikuarhini para uarhipeni. Enga Sísara mítipka ini ambe, tánantaspti baierhu ejersituni ka imeri karruechani guerreri. Débora, arhispti Barakini: “Jeoba uáti eskari iásï andaaka”. Ka Baraki ka imeri 10,000 soldaduechaksï kétsintaspti juátarhu uératini para uarhipeni Sísareri ejersitu jingoni.

Tátsekua, Jeoba úspti eska iorhekua Sisóniri tsïmepiringa ka Sísareri karruechaksï atsïmurhu mátsespti. Sísara kétsispti imeri karrurhu ka úndaspti uiriani. Baraki ka imeri soldaduechaksï andaspti Sísareri ejersituni, peru Sísara sïpakuarhispti ka jima jirikuarhispti enga uarhiiti ma irekapka enga Jaeli arhinhaenga. Ima, lechi sáni íntskuspti ka takusï ma órhetaspti. Sísara xáni kuataratixapti enga kʼuiirapka. Jimajkani, Jaeli sïpatekuarku andarheraspti Sísarani, chkari ma inchajtsïtaspti ka uándikuspti.

Tátsekua, Baraki niáraspti Sísarani jirinhantani. Jaeli uéraspti imeri kʼumanchikua sïkuiririrhu ka arhispti: “Incha, exeraakakini achatini engari jirinhantani jaka”. Baraki inchaspti ka exespti Sísarani enga ísku jándentapka uarhirini. Baraki ka Débora, pirekusptiksï Jeobani para kʼéri ambe arhini, jimboka ima úspka eskaksï andapiti uérapiringa. Israelitechaksï 40 uéxurhini sési irekuarhispti.