Danieli leonicheri posurhu jarhasti

Dariu enga meduepka, niáraspti máteru reiini Babiloniaeri. Exespti eska Danieli ménderuenispka, jimbosï imani enkargaripti para orhejtsïkuani imechani engaksï kʼéri ambepka paisirhu. I achatichaksï enbidiarisïrendi Danielini ka uékasïrendiksï uándikuni. Mítisptiksï eska Danieli ma jurhiatikua jimbo tanimu uelta kómarhisïrenga Jeobani, jimboksïsï arhipti Dariuni: “Oh, rei, jatsipirindi para jarhani lei ma paraksïni iáminduecha tʼungintku kómarhini. Enga nema no kumpliriska i leini, eska leonicha jingoni kʼuaninhanhaaka”. Rei Dariu tsitispti ini ambe ka firmarispti leini.

Enga Danieli mítipka jimbanhi leiri ambe, níntaspti imeecho. Ka tinguixurhispti bentanarhu ma enga mítakuarhitini japka ka kómarhispti Jeobani. Ima achati enbidiosuechaksï ma repentku inchaspti Danieliri kʼumanchikuarhu ka exesptiksï eska kómarhixapka. Uiriipasptiksï aianguni Dariuni: “Danielikini no kurhajchasti. Ma jurhiatikua jimbo, tanimu uelta kómarhisïndi imeri Tata Diosïni”. Dariu sési exesïrendi Danielini ka no uékasïrendi eskaksï uándikupiringa. Chúskuspti eratsintani ambe úni para salbarini, peru ni sikiera ima uéni mójtakuni leini ma enga firmadu jarhenguia. Jimbosï jurajkupti paraksï kʼuaninhani Danielini leonicha jingoni.

Ima chúrikua, Dariu xáni uandanhiaxapti Danielini jimbo enga no uénga kʼuíni. Pauandikua tsípku, uiriipaspti nani engaksï leonicha japka, andamukueraspti ka uinhachaspti: “¡Danieli! ¿Salbariskikini chíti Tata Diosï?”.

Dariu kurhaaspti bosi ma. Danielispti, enga arhipka: “Jeobaeri ánjili, mímukuasti leonichani ka no ma ambejtsïni úchisti”. Dariu kánikua tsípixapti ka juramuspti eskaksï pʼínhantapiringa. Ima no ma ambe úkuarhinchaspti. Tátsekua, rei juramuspti: “Kʼuaninhaa je leonicha jingoni imechani engaksï no sési ambe uandaka Danieliri ambe!”. Engaksï kʼuaninhaapka, leonichaksï sóntku auantaaspti.

Dariu ini ambe juramukuspti iretani: “Iáminduechajtsï jatsiska para Danieliri Tata Diosïni respetarini. Ima salbaristi leonicheri”.

¿Ka tʼuia? ¿Pauani pauaniri kómarhisïni Jeobani ísï eska Danieli?