Disipuluechaksï espiritu santu intsïnhasïndi

Diesi jurhiatikua nitamasptia desdeka Jesusi karhanchintapka. Jimajkani, Jesusiri chúxapatichaksï espiritu santu intsïnhaspti. Kʼuínchikua Pentekostesirispti uéxurhini 33 jimbo, ka uápurisï anapuechaksï niáraspti Jerusaleni para kʼuínchini. Masomenosi 120 Jesusiri chúxapatichaksï tánguarhitixapti kuarturhu ma enga kʼumanchikuarhu karhakua japka ka ma repentku kʼéri ambe úkuarhispti. Jesusiri chúxapaticheri éjpurhu xarharaspti ma ambe komu chpiri ma, ka iáminduksï úndaspti mámaru idioma uandani. Ka ístu, ísï kurhaakuarhispti enajki uinhamu tarhiani japi iámu kʼumanchikuarhu.

Máteru paisirhu anapuecha engaksï Jerusaleni nípka, kurhaasptiksï ini ambe ka uiriipasptiksï exeni ambe úkuarhixapi. Ískuksï pakaraspti engaksï kurhajchaapka Jesusiri disipuluechani mámaru jásï idiomaksï uandani jarhani. Uandasïrendiksï: “Íksï Galilea anapuesti, ¿néna jimboksï úsïni juchari idiomecha jimbo uandani?”.

Jimajkani Pedru ka máteru apostulichaksï orhepani niáraspti. Pedru arhiaspti: “Chájtsï uándikuska Jesusini, peru Jeoba tsítantasti. Iásï Jesusi auandarhu jarhastia, Tata Diosïri jurhijkandani ladu. Ka íntskustijtsïni espiritu santu engajtsïni eiachipka. Jimbojtsïsï kurhaaka ka exeani ini milagruechani”.

Kʼuiripuechaksï ísku pakaraspti. Pedrueri uandakuechaksï mintsitarhu niárakuaspti, jimboksïsï kurhanguarhipti: “¿Ambechi jatsiski para úni?”. Ima arhiaspti: “Arrepentirikuarhi je chári pekaduechani jimbo ka itsï atakuarhi je Jesusiri nombri jimbo. Tátsekua, chájtujtsï intsïnhaaka espiritu santu”. Imani jurhiatikua, 3,000 kʼuiripu ísï itsï atakuarhispti. Jima uératini, úndasptiksï sánderu uánini Jesusiri chúxapaticha Jerusaleni. Apostulichaksï uáspti sánderu kúnguarhikuechani espiritu santueri jarhuajperata jimbo. Ísïksï úspti jorhendaani disipuluechani iámu ambe enga Jesusi juramukuapka.