Korneliu espiritu santu intsïnhasïndi

Sesarea jarhaspti achati ma enga Korneliu arhinhenga, Roma anapu ejersitueri ofisialispti. Nájkiruka no judiuepka, judiuechaksï kánikua respetarisïrendi. Kánikua intsïmpitispti, uánikua ambe úsïrendi pobricha jimbo. Korneliu, jakajkusïrendi Jeobani ka méntkisï kómarhisïrendi. Ma jurhiani, ánjili ma xarhakuspti ka arhispti: “Tata Diosï kurhauasti chíti kómarhikuechani. Axaa chíti jántspirichani ireta Jope, nani enga Pedru jaka, paraksï arhini eskakini juuaka exeni”. Korneliu sóntku axaaspti tanimu achatichani Jope, enga 50 kilometrisï (30 millas) surirhu japka.

Enga i ambe úkuarhini japka, Pedru bisioni ma exespti Jope. Exeaspti animalichani engaksï judiuecha no jatsipka para auani. Tátsekua, bosi ma arhispti eska apiringa. Pedru no uékaspti ka uandaspti: “No méni arhaska animalini ma enga no pímbinhasïka”. Bosi arhispti: “Asï uanda eskaksï i animalicha no pímbinhasïska, iásï Tata Diosï uandasïndia eskaksï pímbinhasïska”, ístu arhispti: “Tanimu achatichaksï jarhasti chíti puertarhu, ní imecha jingoni”. Pedru niraspti ka kurhamarhiaspti ambeksï úni jurhaspi. Imaksï arhispti: “Korneliujtsïni axasti, Roma anapu soldaduecheri juramuti. Ima uékasïndi eskari juchantsïni jingoni juuaka imeri kʼumanchikuarhu jini Sesarea”. Pedru pʼímarhiaspti paraksï jima pakarani ima chúri. Pauandikua, niraspti imecha jingoni Sesarea. Máru erachicha Jope anapuechajtuksï niraspti.

Enga Korneliu exepka Pedruni, tinguixurhispti. Peru Pedru arhispti: “Jauara. Jíjtuni kʼuiripu máeska ísï eska tʼu. Tata Diosïrini arhisti eskani jupiringa, nájkiruka jucha judiuecha, no inchajka imecheri kʼumanchikuecharhu engaksï no judiueka. Iásï, jimboetakua, arhirini andirinisï pʼitajkuarhi”.

Korneliu aianguspti Pedruni: “Tʼámu jurhiatikuestia engani kómarhini japka Tata Diosïni, ka ánjilirini ma arhispti eskakini pʼitajkuarhepiringa. Jimboetakua, jorhendajtsïni ambe enga Jeoba uandajka”. Pedru arhispti: “Iásï kʼóru kurhanguskia eska Tata Diosï no nani kʼuetsapisïnga, ima jiókuarhiasïndi iámindu imechani engaksï uékajka kómarhini”. Pedru uánikua ambe jorhendaaspti Jesusiri ambe. Jimajkani, Korneliu ka ístu imecha engaksï jima japka intsïnhasptiksï espiritu santu ka itsï atakuarhisptiksï.