Uénakua partiri 6

Israelitechaksï niárasptia Echerirhu engaksï Aiaminhapka ka tabernakulu úrakuarhisïrendi para Jeobani kʼéri ambe arhini. Saserdotichaksï jorhentpisïrendi Leini ka juesichaksï orhejtsïkusïrendi iretani. I parti xarhatasïndi eska ma kʼuiripueri jángua ka ambe enga erakuaka úni, uáka ambakiti ejemplu íntspini o nómbe. Mándani israelita jatsispti para sési pájperani Jeoba jingoni ka kʼuiripu jingoni. Uanda je, na enga Débora, Noemi, Josue, Ana, Jefteri uájpa ka Samueli, xáni ambakiti ambeksï úpka imecheri iretarhu. Ístu, xarhata je eska asta imecha engaksï no israelitepka, komueska Raabi, Ruti, Jaeli ka gabaonitecha, erakuspkaksï israelitecha jingoni úkuarhini jimbokaksï mítispka eska Tata Diosï imecha jingoni jarhaspka.