Uénakua partiri 8

Jeoba újchakuraspti Salomonini úparini eska jánhaskatiipiringa ka jurajkuparini eska ima úpiringa templuni. Peru ima sánhani arhispti jurajkuni Jeobani. Engajtsï kaajka sapiichani, arhia je eskaksï ima engaksï idoluechani kómarhiauenga, úspkaksï eska Salomoni jurajkupiringa Jeobani. Reinu arhukurhispti, jarhasptiksï rei no sési úricha engaksï úpka eska ireta jarharepiringa Jeobani ka eskaksï idoluechani kómarhiapiringa. Jiánisï, uánikua ambakiti profetechaksï no sési kánhaspti ka uándikunhanksï. Peru norti anapu reinu sánderu jarharespti Jeobani, reina Jesabeliri kulpa jimbo. Jiánisï kánikua no sési jánhaskuarhespti Israeli. Peru nájtuka i ambe úkuarhini japka, útasïksï uánikua israelitecha jarhaspti engaksï Jeobani marhuakuenga, komu rei Jeosafati ka profeta Elíasi.