PIREKUA 31
¡Méntkisï Jeoba jingoni jáma!
(Miqueas 6:8)
1. Asï méni jurajku Tata Jeobani,
marhuaku kaxumbikua jingoni.
Jeobani jingoni jáma, asï kʼéramakuarhi,
xarhataku eskari uéksïnga.
Ú ambe engajtsïni Jeoba arhijka
imeri Karakatarhu.
Kurhaa ambe enga Jeoba uandajka,
ísïkini uáti sési nicheni.
2. Asï méni jurajku Tata Jeobani,
ambakiti jángua ma jatsi.
Engari niáraska tʼu tsʼéjkukua ma jatsini
Jeobakini uáti jarhuatani.
Eratsinta ambe enga Jeoba uandajka,
ambe enga jurhimbitiika.
Engari tʼu pímbinhasï jauaka,
nókini méni mirikurhiati.
3. Tsípikua jingoni marhuaku Jeobani,
méntkisï imani jingoni jáma.
Mítiskari Jeobani, intsïnhaskaria
ambe enga ima aiatspejka.
Grasiasi arhi Tata Diosï Jeobani
kánikua tsípikua jingoni.
Chíti sési jángua jimbo mítinhaati
eskari tʼu Jeobaeriskia.
(Ístu exe je Gén. 5:24; 6:9; Filip. 4:8; 1 Tim. 6:6-8).