Ju je kuájchakuni juchari mintsitani

1. Ju je jánguarhintani jarhani

mintsitani kuájchakuni.

Tata Jeoba úsïndi exeni

juchari mintsitania.

Engachi no kuájchakuni jauaka,

úatijtsïni támisï páni.

Jimbochisï jatsika para jucha

sési ambe eratsintani.

2. Jucha úaka kómarhini Jeobani

mintsitarhu uératini.

Grasiasichi íntskuntani jauaka

ka kʼéri ambechi arhiaka.

Ka tsípikua jingonchi úni jauaka

ambe enga Jeoba uandajka.

Jatsiskachi para xarhatakuni

eskachi mintsikasïnga.

3. Parachi sési jásï ambe jatsini

juchari eratsikuarhu,

jatsiskachi para arhintania

Jeobaeri Karakatani.

Jeoba no mirikurhisïndi

ambe engachi újka jucha.

Ju je kʼéri ambe arhini Jeobani

juchari mintsita jingoni.