PIREKUA 149
Jeoba andapiti uérasïndi
(Éxodo 15:1)
1. ¡Ju je pirekuni, kʼéri ambechi arhiaka Tata Diosïni!
Jeoba arhinhasïndi ka imajkusï kʼéri ambeti.
Andapiti uéraspti
jiáni enga Faraonini kʼamajkupka.
Kʼuiripu niáraspti exeni
ne jindespi Tata Jeoba.
(KORU)
Tʼuri kʼéri ambeska juchari Tata Jeoba,
tʼuri no méni niáraaka mójtakurhinia.
Kʼamajkuakari chíti enemigunia,
exeatiksï ne jindeski Jeoba.
2. Uánikuaksï jámsïndi no sési kámani Jeobaeri iretani,
peru ísï eska Faraoni,
niáraatiksï kʼamajkunhani.
Jeobaeri jurhiatikua,
jindeuati paraksï iámindu mítini
na enga xáni uinhapitika
juchari Tata Diosï Jeoba.
(KORU)
Tʼuri kʼéri ambeska juchari Tata Jeoba,
tʼuri no méni niáraaka mójtakurhinia.
Kʼamajkuakari chíti enemigunia,
exeatiksï ne jindeski Jeoba.
(Ístu exe je Sal. 2:2, 9; 92:8; Mal. 3:6; Jaŋ. 16:16).