PIREKUA 161
Marhuacheni k’éri ambeesti
(Salmo 40:8)
1. Chiiti sapi Jesúsi méntkisï uékasti
úni ambe engari t’u xáni tsitijka,
i ambekini Taati sési p’ikuastasti
ka t’uri niáraska sési exeni.
Jesúsi no méni uékasti no sési úni
ka t’uri sési exeska imani.
Ima méntkisï sési ambe ústi Taati,
ka ji ístu uaaka májkueni úni.
(KORU)
Jíkeni marhuacheaka Taati juchiiti,
no méni kuatantaaka Taati Jeoba.
Ji sési jarhaska no chéxaka,
nókini méni jurajkuaka Taati.
T’ungini marhuacheni k’éri ambeesti,
sésini jauaka sési míteska Taati.
Juchiiti mintsita Taati sési jarhasti,
úni marhuacheni Taati Jeoba,
xáni k’éri ambeeka.
2. Engakeni úka míteni juchiiti Taati,
no jarhasti xáni k’éri kóntperata.
Úni arhini k’uiripuni chiiti nombrini,
xáni k’éri kóntperata jindeesti.
Jucha únksïni iámindu marhuacheni,
no jarhasti xáni sési jásï ambe.
Para jucha jindeesti ma regalu Taati
ka ji méntkisï ísï exeaka.
(KORU)
Jíkeni marhuacheaka Taati juchiiti,
no méni kuatantaaka Taati Jeoba.
Ji sési jarhaska no chéxaka,
nókini méni jurajkuaka Taati.
T’ungini marhuacheni k’éri ambeesti,
sésini jauaka sési míteska Taati.
Juchiiti mintsita Taati sési jarhasti,
úni marhuacheni Taati Jeoba,
xáni k’éri ambeeka.
Marhuacheni k’éri ambeesti.
(Ístu exe je Sal. 40:3, 10).