UEENA JE UANDONTSKUARHENI
JORHENGUARHIKUA 4
Kaxumbitii je
Tekstu: “Kaxumbi je ka ísï exea je máteruechani eskaksï sánderu kʼéri ambeeska eska chá” (Filip. 2:3).
Ambe enga úpka Pablu
1. Exe je BIDEUNI o arhinta je Úkuecha 26:2, 3. Tátsekua exea je arini kurhamarhikuechani:
Jiáni enga Pablu rei Agripa jingoni uandontskuarhepka, ¿néna xarhatakuspi kaxumbikua?
¿Ambe úspi Pablu para xarhatani eska Tata Diosï Jeobaespka ka Biblia engaksï jorhentpini japka ka no ima? (Exe je Úkuecha 26:22).
¿Ambejtsïni jorhendasïni Pablueri ejemplu?
2. Kʼuiripuechajtsïni sánderu uékaati kurhajchani engachi kaxumbikua ka janhanharhikua jingoni uandontskuarhekuaska.
Májkueni ú je eska Pablu
3. Asï méni xarhata je eskajtsï chá sánderu kʼéri pʼikuarherasïnga eska kʼuiripu. Asï jáma je ísï pʼikuastani kʼuiripuni eska chá iámu ambe míteska ka eska ima no ma ambe míteska. Méntkisï janhanharhikua jingoni uandontskuarheku je.
4. Méntkisï xarhata je eskajtsï Bibliarhu pʼitasïnga ambe engajtsï jorhentpijka. Tata Diosïiri karakata uaati mintsitarhu niárakuni kʼuiripuni. Engachi úrajka Bibliani, jarhuatasïngachi kʼuiripuni paraksï meru mintsinharhini Tata Diosïni.
5. Méntkisï sési kámpi je. Asï afuersa uéka je xarhatani eskajtsï chásï jurhimbitku uandani jaka. Juchaari ánchikuarhita no jindeesti arhirperani kʼuiripuecha jingoni. Engachi kaxumbitiuaka, nóchi ikiauaka ka míteakachi káni sánderu sésiua nóteru uandontskuarhenia (Prov. 17:14; Titu 3:2). Engajtsï chá sési kámaska kʼuiripuni, jamberi tátsekua kʼóru uékaati juchantsïni jingoni uandontskuarheni.