¿Andisï jurajkuni jaki Tata Diosï eskachi komu nitamakuarhiaka?

¿NA PʼIKUARHERASÏNI TATA DIOSÏ ENGACHI KOMU NITAMAKUARHINI JARHAJKA?

Michelle: Nájtsï jarhaski Sofía. Xáni sési engakeni exentaaka.

Sofía: Jíjtuni ísï.

Michelle: Kándiski engachi uandontskuarheni japka, na pʼikuarherasïni Diosï Tata engachi komu nitamakuarhini jarhajka.a Chájtsïni arhispka eska ióniskia engajtsï ísï kurhamarhikuarhijka, sánderia ísï tátsekua enga naandi na aksidentarhikuarhipka. Ka ¿na jarhaski?

Sofía: Méni sési jarhasïndi ka méni no káni peru iásï, sési jarhasti.

Michelle: Sáni sési. Úkua jukajti para sési jarhani imani ambe jimbo enga nitamakuarhika.

Sofía: Jo, ménisï kurhamarhikuarhisïnga andichisï xáni kómu nitamakuarhijki.

Michelle: Kurhanguchesïngakeni andiresï ísï eratsejki. Jamberijtsï miáni jaka jiáni engaksïni pʼorhembipka, kurhamarhispkaksïni, andisï Tata Diosï jurajkuni jaki eska seguirini jauaka kómu nitamakua ambe jarhani nájkiruka ima jatsika uinhapikua para kʼamajkuni.

Sofía: Jo, miáxaka.

Michelle: Antedechi exeni ambe enga mókuntajka Biblia, miántanchi jauaka ambe engachi exepka máteru jurhiatikua jimbo.

Sofía: Sési jarhasti.

Michelle: Orheta, jorhenguarhispkachi eska ióntki anapu ambakiti kʼuiripu ma kurhamarhikuarhispka andisï jurajkuni jaki Tata Diosï eska jauaka kómu nitamakua ambe ka Tata Diosï no xukaspti ni arhipi eska no jatsispka mintsinharhikua.

Sofía: Jo, indeni ambe no mítespka.

Michelle: Ístuchi jorhenguarhispka eska Tata Diosï no sési pʼikuarherasïnga engachi kómu nitamakuarhijka. Biblia arhisïndi eska ióntki, enga imeeri ireta uandanhiatechani jatsiapka, “imajtu kánikua uandanhiaspti”.b ¿No ísïiski eskajtsïni kánikua sési pʼikuastasïnga míteni eska Tata Diosï no sési pʼikuarherasïnga engachi kómu nitamakuarhini jarhajka?

Sofía: Jo ísïisti.

Michelle: Ka kurhanguspkachi eska nájkiruka xáni uinhapitika Tata Diosï, uáti ambe uéjkini úrani ka na uéjki jatini para kʼamajkuni kómu nitamakua ambe.

Sofía: indeni ambesïni no újka kurhanguni. ¿Andisï jurajkuni Tata Diosï eskachi kómu nitamakuarhiaka nájkiruka ima jatsika uinhapikua para kʼamajkuni?

¿NÉ JURHIMBIKUA JINGONI UANDAXAPI?

Michelle: Uénani jauakachi exeni Génesis primeru libruni Bibliarhu anapu. ¿Míteskijtsï uandantskua Adáni ka Eberi ka imani frutani engaksï no jatsipka para arhani?

Sofía: Jo, katesismurhu jorhenguarhispka. Tata Diosï arhiaspti eskaksï no jámapiringa arhani imani frutani, joperu imeechaksï no kurhajchaspti.

Michelle: Kánikua sési jarhasti. Joperu ju je exeni ambe enga úkuarhipka antesi, jimboka inde ambejtsïni jarhuataka sánderu sési kurhanguni, andisï kʼuiripu kómu nitamakuarhijki. ¿Uékasïntsï arhintani Génesis, kapitulu 3, bersikuluecha 1 al 5?

Sofía: Jo arhisïndi. “Ka akuitsi sánderu jingontku jámasïrendi eska iámindu juátarhu anapu animalicha engaksï no sési jámenga enga Jeoba uápka. Ísï jimbo, arhispti uarhiitini: ‘¿Meru ísïski eskaksïni Tata Diosï arhiska eskajtsï no jatsiska para arhani iámindu anhatapuecheri engaksï jardinirhu jaka?’. Jimajkani uarhiiti arhispti akuitsini: ‘Jucha uáka fruta akuni iámindu anhatapuechani engaksï jardinirhu jaka. Peru Tata Diosï arini ambe uandasti inde fruteri enga anhatapurhu jukaka enga jardinirhu terojkani jaka: “Nójtsï jatsiska para arhani, nómbe, nójtsï jatsiska para pʼárhini; sinojtsï uarhiaka”’. Jimajkani akuitsi arhispti uarhiitini: ‘Nojtsï niáraaka uarhini. Jimboka Tata Diosï míteska eska ima mismu jurhiatikua jimbo engajtsï akuaka, niáraakajtsï uánikua ambe míteni ka ísïuakajtsï eska Tata Diosï, míteakajtsï ambe sésiski ka ambe nómbe’”.

Michelle: Diosmaiamu. Exeauakachi ini bersikuluechani. Orheta, arhisïndi eska akuitsi ma uandontskuarhekuspka Ebani. Máteru bersikuluecharhu Bibliarhu arhisïndi eska Noambakiti enga jindeeka Satanasi imasï uandontskuarhekupka Ebani akuitsini ma úraparini.c Noambakiti kurhamarhispti Ebani imani juramukueri enga Tata Diosï arhiapka eskaksï no jámapiringa ma anhatapueri frutani arhani. ¿Ambe arhiaspi Tata Diosï eskaksï úkuarhinchapiringa Adáni ka Eba engaksï no kurhajchapiringa?

Sofía: Eskaksï uarhipiringa.

Michelle: Jo ísïisti. Ka ísï tátsekua noambakiti no sési jásï ambe uandaspti Tata Diosïri ambe. Exe je ambe enga uandapka: “Nójtsï niáraaka uarhini”. ¡Uandaxapti eska Tata Diosï chkuandera máeska!

Sofía: Indeni ambe no méni kurhandixapka.

Michelle: Ka enga ísï uandaka eska chkuandera máeska, ísïipirindi enajki ójkutakua ma péeraani jarhani enga ióni jimbo úpiringa sési péntani. ¿Míteskijtsï andi?

Sofía: Mmm. Nómbe.

Michelle: Ju je exeni ejemplu ma. Eranhaska je eskani ji ma jurhiatikua jurhasïnga ixú ka arhinksïni eskani ji sánderuni uinhapiska eska chá. ¿Nénajtsï xarhatapirini eska no ísïiska?

Sofía: Jamberi prueba ma jingoni.

Michelle: Jo ísïisti. Jamberichi úpiringa ambe ma jirinhantani enga kʼuetsapeka ka exenchi aberi né úpirini tarhatani. Inde ambe no úkua jukasti xarhatani.

Sofía: Kurhanguskia.

Michelle: Joperu ¿engaksïni enbesde indeni ambe arhini, arhinksïni eskajtsï chkuandera máeska? Inde ambe ménderuenisti ¿no ísïiski?

Sofía: Jo.

Michelle: Para nema xarhatani eska no chkuanderasïnga no solu prueba ma uétarhisïndi

Sofía: Jo ísïisti

Michelle: Ísï jimbo, parajtsï chá xarhatani eskajtsï no chkuandera máeska uétarhisïndi eska tiempu nitamaaka parakaksï máteruecha exeaka eska chá ambakiti jángua ma jatsiska

Sofía: Jo ísïipirindi

Michelle: Ju je ménderu exeni uandantskuani ixú Génesis. ¿Uandaspi Noambakiti eska sánderu uinhapitispka eska Tata Diosï?

Sofía. Nómbe

Michelle: Para Tata Diosï no úkua jukapirindi indeni ambe xarhatani. Ambe enga uandapka Satanasi jindeespti eska Tata Diosï chkuandera máeska. Máteru uandakuecha jimbo, arhixapti Ebani: “Imakeni chkuanderachixati: jíkenisï jurhimbitku aianguni jaka”.

Sofía: No méni eratsexapka indeni ambe.

Michelle: Tata Diosï jánhastiisti ka kurhangusïrendi eska sánderu sésispka eska tiempu nitamapiringa para sési peentani imani ambe enga Noambakiti uandapka. Jimajkani ísï úpirindi xarharani nésï chkuanderani japi.

KʼÉRI UANDAKUA MA JAUATASÏNDI

Sofía: Joperu jiáni enga Eba uarhipkia, xarharaspti eska Tata Diosï jurhimbitku uandaxapka ¿o no?

Michelle: Úpirindi ísïini. Joperu ambe Satanasi uandapka sánderu ambeespti. Exe je ménderu bersikulu 5.  ¿Ambe máteru ambe arhispi Satanasi Ebani?

Sofía: Eska enga apiringa frutani niárapiringa uánikua ambe míteni.

Michelle: Ísïisti ka engaksïnha apiringa eskaksïnha niárapiringa ísïini eska Tata Diosï, míteni ambe sésiski ka ambe nómbe. Ístu, uandaxapti eska Tata Diosï no uékasïreenga eskaksï kʼuiripuecha ambakiti ambe jatsipiringa.

Sofía: Sési jarhasti.

Michelle: Ka inde ambejtu kánikua no sési ambeespti.

Sofía: ¿Néna? No úsïnga kurhanguni.

Michelle: Exe je, Noambakiti arhixapti Ebani —ka ístu iámindu kʼuiripuechani— eska sánderu sési japiringa enga no jatsipiringa Tata Diosïri jarhuajperata. Ístu, Tata Diosï Jeoba mítespti eska Noambakiti tiempu uétarhinchapiringa para xarhatani eska ima ambe no ísïispka. Ísï jimbo, jurajkuspti para ma tiempu juramuni parhakpinirhu. Jimbosï iápuru ísï xáni kómu nitamakua ambe jati: jimboka né enga juramuni jaka parhakpinirhu, jindeeska Noambakiti no Tata Diosï.d Joperu ambakiti ambe jarhasti.

Sofía: ¿Ambakiti ambe?

Michelle: Jo, Biblia ambakiti ambe jórhentpesïndi Tata Diosïri ambe. Uandasïndi eska Tata Diosï no iauani jarhasïnga engachi kómu nitamakuarhini jarhajka. Pori ejemplu, ju je exeni ambe enga karapka rei Dabidi ixú Salmo 31:7. Ima kánikua no sési nitamakuarhispti, peru exe je ambe enga arhipka Tata Diosïni. ¿Uékasïntsï arhintani?

Sofía: Jo arhisïndi: “Kánikua tsípiaka chiiti ambakiti uékperakua jimbo, jimbokari tʼu exeska na engani xáni kómu nitamakuarhini jaka, jingontkuri exexaka na engani no sési pʼikuarherani jaka”.

Michelle: Nájkiruka Dabidi kánikua no sési nitamakuarhini japka, kánikua sési pʼikuarherasïrendi míteni eska Jeoba exexapka ambe enga ima nitamakuarhini japka. Ka chá, ¿sési pʼikuarherasïni eratseni eska Tata Diosï Jeoba iámindu ambe exesïnga asta imani ambe enga újka eskachi no sési pʼikuarheraaka ka engaksï máteru kʼuiripuecha no újka kurhanguni?

Sofía: Jo, kánikua.

Michelle: Ka Biblia uandasïndi eska Tata Diosï no jurajkuaka eskachi méntkisï kómu nitamakuarhiaka. Ístu jórhentpesïndi eska no ióni jimbo, kʼamajkuaka Noambakitiri juramukuani ka eska sési peentaaka iámindu ambe enga ima no sési úka. Asta imani jamberi enga chá ka chaari nándi nitamakuarhika. ¿Uaa ménderuni jurhani máteru semana jimbo? Uékapiringaksïni exerani andichisï uaa seguru jarhani eska nóteru ióni jimbo, Tata Diosï kʼamajkuaka kómu nitamakua ambe.e

Sofía: Jo, sési jarhasti.