“¿Nani Jarhaspi Tata Diosï?”

¿MÁJKUENI AMBEJTSÏ UANDASPI ENGA NO SÉSI JÁSÏ AMBE ÚKUARHIPKA? ¿NIÁRASKIJTSÏ NO SÉSI JÁSÏ AMBE ÚKUARHINCHANI ENGAJTSÏ JIMBO ERATSEJKA ESKA TATA DIOSÏ NO UANDANHIASÏNGA CHÁNKSÏNI JIMBO?

Sheila, enga Estados Unidos irekaka ka enga familiarhu ma kʼuiripeka engaksï kánikua jakajkujka Tata Diosïni, uandasïndi: “Desde engani sapichuepka jakajkusïreenga Tata Diosïni jimbokani míteska eska ima jindeeska juchaari Kueraajpiri, peruni no méni pʼikuarheraspka andarhierani imani. Nájkirukani mítepka eskarini ima exesïreenga, eratsesïreenga eskarini ima no kurhanguchisïreenga. No eratsesïreenga eskarini kurhunhisïreenga, peruni ístu no jakajkusïreenga eskarini uandanhiasïreenga”. ¿Andisï ísï eratseni Sheila? Ima uandantasïndi: “Juchiiti familia uánikua ambe jimbo no sési nitamakuarhispti ka ísï xarharasïreendi enajkijtsïni Tata Diosï no jarhuatani japi”.

Májkueni eska Sheila, jamberijtsï jakajkujka Tata Diosïni enga iámindu ambe újka úni, perujtsï kurhamarhikuarhijka: “¿Uandanhiajki Tata Diosï jíndeni jimbo?”. Májkueni ambe uandaspti Jobu, acheeti ma enga jurhimbitku jámeenga ka enga mintsikeenga na enga xáni uinhapitika ka jánhastiini Kueraajpiri (Job 2:3; 9:4). Enga uánikua no sési jásï ambe úkuarhinchapka ka enga eratsepka eska nóteru ambe ma úpiringia úni, kurhamarhispti Tata Diosïni: “¿Andiresï máteru nani ísï eraajki ka andirenisï ísï exejki eska chiiti enemiguni ma?” (Job 13:24).

Peru, ¿ambe uandasïni Biblia? ¿Tata Diosï úsïni eskachi kómu nitamakuarhika? ¿Uandanhiasïni iámindu kʼuiripuecha jimbo ka ístu mándani juchantsïni jimbo? ¿Uaachi míteni sintsïni Tata Diosï míti mándani juchantsïni, kurhanguchisïntsïni ka jarhuatani engachi uandanhiatechani jatsiajka?

Máteru jorhenguarhikuecharhu exeakachi na enga kueraakata ambe ka imeeri Karakata, xarhatajka eska Tata Diosï uandanhiasïnga juchantsïni jimbo (Roma 1:20). Engajtsï sánderu sési míteaka chaari Kueraajpirini, sánderujtsï seguru jauaka eskaksïni ima xénchasïnga (1 Juanu 2:3; 1 Pedru 5:7).