Máru presentasionicha

Para pʼímarpini Jesusiri uarhikueri miántskuarhu

“Uékapiringaksïni pʼímarhini tánguarhikuarhu ma enga kánikua jukaparhakueka. Jurhiatikua 3 de abrilini, uánikua kʼuiripu tánguarhiati interu parhakpini para miántani Jesusiri uarhikuani ka kurhaani arhijtsïkperata ma gratisi enga Bibliarhu pʼitakateka, para exeni nénajtsïni marhuachisïni imeri uarhikua. I pʼímarperakua uandasïndi na jandora ka nani úkuarhia tánguarhikua juchari iretarhu.”

La Atalaya 1 de marsu

“Jurhiatikua 3 de abrilini, tata Jesukristu andangutasïndi máteru uéxurhini enga uarhika. Máruchi ixú anapuecha tánguarhiaka imani jurhiatikua para miántani Jesusiri uarhikuani. Peru jarhasti kʼuiripu enga eratsijka eska Jesusiri uarhikua no xáni jukaparhakueska para jucha. ¿Nájtsï exesïni? ¿Jakajkusïntsï eska Jesusiri uarhikua ka tsíntskua uákajtsïni marhuachini? [Jurajku je eska mókuntaaka.] Exe je ambe enga uandajka Tata Diosïri Karakata íri ambe. [Arhinta je 1 Korintu 15:22, 26.] I rebista uandantasïndi eska Jesusiri uarhikuani jimbo, sánderu orhepani kʼuiripu enga irekaaka ixú Parhakpinirhu no méni uarhiaka.”

Juchiti libru enga Bibliaeri ambe uandajka

“¿Nájtsï erandiski? Tsípisïnga jurhanksïni eianguni ambakiti ambe. ¿Cha ménisï kurhamarhikuarhiski sinchi sánderu orhepani uá sési irekani? [Jurajku je eska mókuntaaka. Tátsekua pʼiraku je libruni uandantskuarhu 115 ka exera je dibujuni enga jima jaka. Ka arhinta je segundu párrafuni i uandantskueri.] Seguruchi jarhaska eska i ambe ísï úkuarhiaka jimboka Tata Diosïsï aiatspika. [Arhinta je 2 Pedru 3:13.] I publikasioni úkata jarhasti parajtsïni jarhuatani kurhanguni eskajtsïni Tata Diosï uékasïnga ka eska uandanhiasïnga juchantsïni jimbo. [Arhi je eskajtsï uáka jurajkukuni libruni.]”