Ju je úrani foietuni Introducción a la Palabra de Dios para uénani uandontskuarhini
1. ¿Ambe jimbanhi jarhuajperatachi jatsiski para eianhpikuarhu?
1 Iásï sáni, intsïnhaskachi jimbanhi foietuni Introducción a la Palabra de Dios. Exeskachia eska jukaska textuechani uánikua tema Bibliaeri, sáno májkueni eska libru Razonamiento, jimbosï kánikua marhuauati para uénani uandontskuarhini. ¿Nénachi uá úrani para preparariuani presentasionichani para eianhpikuarhu?
2. ¿Nénachi uá úrani foietuni Introducción a la Palabra de Dios, eianhpikuarhu?
2 Ejemplu ma, úpiringajtsï úrani kurhamarhikuani 8 ka arhini: “Uandontskuarhixakachi chári besinuecha jingoni ka exesïngachi eskaksï uánikua kurhamarhikuarhisïnga sini Tata Diosï kulpa jatsiski engachi komu nitamajka. [Máru territoriurhu sánderu sésisti foieturhu exerani kurhamarhikuani.] ¿Cha na exesïni? [Jurajku je eska mókuntaaka.] Biblia ambakiti mókuntskua ma íntspesïndi”. Tátsekua uákajtsï arhintani ka uandantani ma o sánderu textuechani engaksï jima jaka. Enga kʼuiripu uékaaka sánderu mítini, exera je 20 kurhamarhikuechani engaksï orheta pájinarhu jaka ka arhi je eska erakuaka ma parajtsï máteru jurhiatikua exeni. Ístujtsï uáka jurajkukuni publikasioni ma engachi estudiu úrajka ka arhini eska jataska sánderu informasioni temeri engajtsï uandontskuarhika.
3. ¿Nénachi uá úrani jimbanhi foietuni para uénani uandontskuarhini kʼuiripu jingoni enga relijionirhu ma jaka enga no kristianeka?
3 Kurhamarhikuecha 4 ka 13 a 17 uátiksï kánikua marhuani jimesï enga kʼuiripu relijionirhu ma jaka enga no kristianeka. Ejemplu ma, úpiringajtsï úrani kurhamarhikuani 17 ka arhini: “Pʼorhembiaxakachi familiechani para jarhuatani. Exesïngachi eskaksï familiecha sánhani arhixaka uánikua problemechani jatsiani. ¿Cha na exesïni? [Jurajku je eska mókuntaaka.] Uánikua temungurhirichaksï exesïndi eskaksï kánikua marhuasïnga i uandakuecha: ‘Uarhiiticha janhanharhia je chári achatichani’. [No uétarhisïndi eskajtsï arhiaka eska i textu Efesu 5:33 pʼitakata jarhaska. Engajtsï uarhiiti ma jingoni uandontskuarhini jaka, uákajtsï arhikuntani Efesu 5:28.] ¿Exesïntsï cha eska úni ambe enga arhijka i textu uáka marhuakuani temungurhirichani?”.
4. Engajtsï kʼamarakia uandontskuarhikuni nemani enga relijionirhu ma jaka enga no kristianeka, ¿ambejtsï uá arhini?
4 Engajtsï kʼamarakia uandontskuarhini, arhi je eskajtsï kʼuanhatsintaaka máteru jurhiatikua para seguirini uandontskuarhini temeri. Engajtsï kʼuanhatsintaaka, úpiringajtsï exeni máteru textu enga kurhamarhikuarhu jaka engajtsï exepka. Engajtsï sési exeaka, uákajtsï arhini eska ambe enga jorhenguarhikia Bibliarhu jarhaska. Exeparini ambe engajtsï uandontskuarhikia ka ambe enga ima eratsijka Bibliaeri, aiaku je publikasioni ma enga tsitiaka. (Exe je Nuestro Ministerio del Reino disiembriri 2013, pájinecha 3 a 6.)