Ju je sési úrani juchari tiempuni eianhpikuarhu
Jeobaeri testiguechachi, uéxurhini serbisiueri 2014 jimbo 1,945,487,604 orechani eianhpiska, i ambe xarhatasïndi eskachi meru uékasïnga okupadu jarhani marhuakuni Jeobani (Sal. 110:3; 1 Kor. 15:58). Jimboka “tiempu nóteru ióniuakia”, ¿uáchi úrani juchari tiempuni enga jukaparhakueka para jirinhani sánderu kʼuiripu? (1 Kor. 7:29.)
Uétarhisïndi jirinhakuntani nénachi uá sánderu sési úrani juchari tiempu. Ejemplu ma, engachi sáno méntkisï úrajka ma ora o sánderu eianhpikuarhu ka nochi nema jingoni uandontskuarhini, ¿úpirinchi mójtakuni máru ambe parachi úni sánderu kʼuiripuni eianguni? No iápurisï májkuenisti, peru i ambe engachi exeaka jarhuataatijtsïni sánderu sési úrani juchari tiempuni parachi no ísku jánguarhintani jarhani (1 Kor. 9:26).
Eianhpikua kʼumanchikuecharhu. Uánikua uéxurhinichani jimbo, eianhpirichachi pʼindeskia uénani jurhiatikua eianhpiparini kʼumanchikuecharhu. Peru, jimboka uánikua kʼuiripu chúskutasïnga ánchikuarhini, ¿andichisï no jánguarhintajki eianhpini kʼumanchikuecharhu xatinichani o chúrikuechani, enga na sánderu kʼuiripu jarhajkia ka engaksï mintsikuarhini jarhajkia? Eianhpini xanharu jimbo o negosiuecharhu tsípechani uáti eskajtsïni sánderu sési nicheaaka.
Eianhpikua xanharu jimbo. Mesecha ka karrituecha uátiksï jimesï peeranhani enga uánikua kʼuiripu jámajka, kúnguarhikueri territoriurhu (exe je Nuestro Ministerio del Reino juliueri 2013, pájina 5). Enga nóteru uánikua kʼuiripu nitamaakia jimesï, orhejtsïkuti enga orhekupaajka máteru orhejtsïkutichani, sekretariu ka orhejtsïkuti enga aianhpikueri ambe exejka, exeatiksï sini uétarhia máteru nani móskuni karrituni o mesani enga sánderu kʼuiripu nitamajka.
Rebisitecha ka estudiu bíblikuecha. ¿Úpirinchi jiáni uáni rebisitechani ka estudiuechani engachi eianhpini jámani jauaka ka no nemanchi exentani? Ejemplu ma, engachi eianhpini niuaka sábaduechani tsípa ka exeantanchi kʼuiripuechani imecheri kʼumanchikuecharhu, ¿úpirinchi xatini o chúrikua uáni estudiuechani? Engachi troka jimbo niuaka uáni rebisitechani, jamberi sánderu sési japirindi eskachi namunitu nipiringa mándani troka jimbo, parachi sánderu ánchikuarhini eianhpikuarhu.
Ísïsti, úsïngachi kuentuni tiempuni méntkisï engachi eianhpijka, peru juchari tsípikua sánderu káneati engajtsïni sési nicheaka. Engachi exejka eska juchari eianhpikua no káni sési uéraxaka orariurhu ma, ju je jirinhakuntani néna eianhpini. Ju je kómarhini Jeobani, ‘pʼikuntskueri Dueniuni’ eskajtsïni jarhuataaka sánderu sési úrani juchari tiempuni eianhpikuarhu (Mat. 9:38).