Ambe engachi jatsika para miántani para kʼéri tánguarhikua rejioniri
Programaeri orariu. Puertechaksï tsípa a las 8:00 mítakuarhiati. Kústakua uénakua anapu a las 9:20 uénati tanimu jurhiatikua. I jandora iáminduchi jatsiska para uaxakatini jarhani, para programa úni sési uénani ka respetu jingoni. Biernesï ka sábadu programa kʼamaraati a las 5:00 ka domingu a las 4:00.
Ju je kʼéri ambe arhini Jeobani kántikuecha jingoni. Ióntki anapu Tata Diosïri ireta, kʼéri ambe arhispti Jeobani kántikuecha jingoni ka iásï, kústakua útasï jukaparhakuesti kómarhikuarhu enga jurhimbitika (Sal. 28:7). Programa tsípa ka xatiniri kʼéri tánguarhikua rejioniri kústakua jingoni uénasïndi. No solu jindesti kústakua parachi kurhaani, sánderu sési prepararinhasïndi parachi úni mítini Jeobani ka kómarhini. Ísï jimbo, enga ima enga presidiriuaka uandaaka eska kústakua uénaxamkia, jatsiskachi para uaxakani ka tsípikua jingoni kurhani kústakua enbesi de uandontskuarhini jarhani. Ísïchi xarhataaka eskachi jukaparharasïnga na engaksï xáni jánguarhintajka erachicha engaksï orkestarhu jaka Watchtoweriri. Tsimani xanhari ma uéxurhini jimbo, íksï erachicha ka pirenchicha meiampikuarhisïndi biajini asta Patterson (Nueva York) paraksï ambakiti kústakua grabarini parachi jucha tsípikua jingoni kurhaani. Enga na kʼamaraakia kústakua uénakueri, kʼéri ambechi arhiaka Jeobani pirekupariani juchari kántikuechani Reinueri.
Estasionamientu. No kobrarpinhaati engachi sésikua intsïnhaaka parachi jucha uandani nani estasionarikuarhini, ka lugarichaksï úrakuarhiati eska na niárapanhaaka. Sáno méntkisï estasionamientu sapichuesïndi jimboksïnisï pʼímarhijka para engajtsï úska ma troka jimbo uánikua nirani. Solu ima troka uáti estasionarikuarhini enga jukaaka letreru o plaka para imecha engaksï pʼamenchajka o engaksï no újka manakuarhini jima enga arhutakata jauaka para imecha.
Lugaricha. Engaksï mítanhaaka puertecha nochi jatsiska para uiriini apartariuani lugarichani, enajkichi kompetirini japirini. Jatsiskachi para ambakiti ambe úni máteruecha jimbo, nájkirukachi jurajkuaka ambe engachi tsitijka para juchari erachicheri sési jimbo. Uandanhiani juchari erachicha jimbo, xarhataati eskachi jindeska kristianuecha engachi jurhimbitiika ka uáti eskaksï máteruecha engajtsïni exejka kʼéri ambe arhiaka Tata Diosïni (Juanu 13:34, 35; 1 Kor. 13:5; 1 Ped. 2:12). Solujtsï uáka apartarini lugarichani para imecha engaksï cha jingoni niuaka trokarhu, engaksï chánksïni jingoni irekaka o para imecha engaksï chánksïni jingoni estudiarijka Bibliani. Jimboetakua asï ambe ma jurajku je siiecharhu engajtsï no úrauaka. Engajtsï ísï úska máteruechaksï uáti exeni eskaksï ima siiecha no okupadu jarhaska. Lugaricha para ima engaksï jatirikia ka ima engaksï pʼamenchajka nóksï uánisïndi, ísï jimbo no méntkisï uáti iámu familia imecha jingoni uaxakani, solu ma o tsimani kʼuiripu enga jarhuataani jauaka.
Sési xukuparhani. Engachi kʼéri tánguarhikuarhu niuaka jatsiskachi para sési xukuparhani ka no ísï xarhatani eskachi májkueni xukuparhasïnga eska i parhakpini anapu kʼuiripu (1 Tim. 2:9). Asta jiáni engachi uéraaka otelirhu ka engachi tsípikuarhini jauaka antesi de uénani programa o tátsekua, nochi jatsiska para néna uéjki xukuparhani o enga no sési xarharaaka. Soluchi ísï uáka sési pʼikuarherani úrani gafetini kʼéri tánguarhikueri ka nochi kʼuratsiaka Jeobaeri ambe eianhpini enga modu jauaka. Engachi sési xarharaaka ka sésichi jámani engachi kʼéri tánguarhikuarhu niuaka no solu uáti eska kʼuiripu enga ambakiti mintsita jukaka uékaaka kurhani eianhpikua pʼímutantskueri enga Biblia íntspijka, sino ístu tsíperaati Jeobani (Sof. 3:17).
Ambakiti jánguachi ma xarhataaka engachi úrani jauaka selulari o máteru ambe. Ambakitichi jángua ma xarhatasïnga engachi újka eska telefonu o máteru ambe no kúskaaka, parakaksï máteruecha uáka jingontku kurhani programani. Engachi úraaka kámara ma, bideokamara ma, tableta ma o máteru ambe, jatsiskachi para uandanhiani juchari erachicha jimbo parachi no ójkutaani o nochi no jurajkuani eskaksï jingontku jauaka.
Tʼirekua. Sánderu sésisti páni tʼirekua ka eska jiáni uérani piáni enga oreuakia para mintsikuarhini. Uákajtsï ielera sapichu ma páni enga jatajchukuraaka siiarhu. Jima enga kʼéri tánguarhikua úkuarhiaka no jiáratperanhasïndi para kʼérati ielera páni ni bidriueri ambe.
Tumina íntspini. Uákachi xarhatani eskachi agradesidu jarhaska engachi jorhenguarhika Tata Diosïri ambe, íntspeparini tumina tsípikua jingoni kʼéri tánguarhikuarhu para ánchikuarhita aianhpikueri interu parhakpinirhu. Enga cheki ma jimboeuaka jatsisti para i nombri jimbo úkuarhini “La Torre del Vigía, A.R.”. Máru kʼérati tánguarhikuecharhu, ístuchi uáka íntspini tarjeta de kréditu o débitu jimbo.
Medisina. Engajtsï arhajka medisina engaksïni doktori resetariika, pá je náki engajtsï uétarhinchajka, jimbokajtsï kʼéri tánguarhikuarhu no intsïnhaaka. Engajtsï diabetisi kámajka ka jatsintsï para jeringa ma úrani, miá je eskajtsï jatsiska para exeni nanijtsï tsïta jeringani, jimboka peligrosueska. Asï basura jatakuarhu kʼuaniku je enga kʼéri tánguarhikuarhu o otelirhu jarhajka.
Para no no sési ambe úkuarhini. Kánikua jukaparhakuesti jingontku jámani para no kuarhatseni o téksarhutani. Mándani uéxurhini no sési ambe úkuarhisïndi sapatuecha jimbo, ka sánderumindu takoni iótsïcha jimbo. Sánderu sésisti imani sapatu úraani engajtsï jingoni uáka agustu pʼikuarherani ka úni sési xanharani rampecharhu, eskalonicharhu, rejiiecharhu ka máteru nani.
Kʼuiripu enga no újka sési kurhaani. Máru kʼérati tánguarhikuecharhu programa uáti kurhaakuarhini incharini radiu jimbo (FM). Para úni kurhaani programani uétarhiati radiu sapichu ma enga pilerika ka audifonuecha.
Karriola para charhakuecha ka siiecha engaksï tsikakuarhijka. Nochi jatsiska para paani kʼéri tánguarhikuarhu karriolechani ni siiechani engaksï tsikakuarhijka. Uákachi paani siiechani para sapiicha engaksï jindeuaka para siiarhu ma karhakua jarhani.
Perfumecha. Sáno iámindu kʼéri tánguarhikuecha jimaksï úkuarhisïndi enga iámu mínhakuarhika ka enga mákina ma úranhajka para tarhiata jarhani. Ísï jimbo, xarhatani japiringachi eskachi uandanhiasïnga erachicha jimbo engachi no xáni úraaka perfume enga jukari kánikua jájkundejka, ka engaksï úpiringa úni eskaksï ima engaksï no újka sési jirejtani o inde jásï ambe alerjia ma pʼiuaka (1 Kor. 10:24).
Restaurantecha. Ambakiti jángua ma xarhatani restaurantecharhu uáti eska kʼéri ambe arhinhaaka Jeobaeri nombri. Sési xukuparhatini ní je, komueska kristianu ma. Enga pʼindekua jaka, jurajku je propina ma.
Otelicha:
Imani kuartuechantku apartariua je engajtsï úraaka ka xántkuksï pakaree eska na xántku jiáratperanhajka.
Asï kanselari je solu enga meru uétarhiakia ka eianhpi je otelirhu xáni sóntku engajtsï uáka paraksï úni máteruecha úrani kuartuni (Mat. 5:37). Engajtsï niáraska kanselarini, miá je anotarini númeruni engaksïni íntskuaka. Engajtsï menusi de kuarentaiochu ora jimbo kanselariska, tsïtakaajtsï tumina engajtsï íntspipka.
Miá je, engajtsï tarjeta de kréditu o débitu ma úraaka para rejistrarikuarhini otelirhu, pʼikurhukucheatiksïni sáni tumina para enga uétarhiaka iámu meiampini kuartueri, enga k’epekurhiska ambe ma o enga inde jásï ambe úkuarhiska engajtsï jima jauaka. Uákajtsï úrani indeni tuminani astakajtsï na meiampiakia iámu ambe, máru jurhiatikua tátsekua engajtsï uéntaakia.
Pá je karrituni para maletechani paani enga listu jauaka para úrani ka sóntku íntspinta je paraksï máteruecha úrani.
Enga pʼindekua jaka íntskua je propina ánchikuarhirichani oteliri engaksïni páchiauaka maletechani ka jurajkuku je propina imani enga ambantskantajka kuarturhu.
Imani kuarturhujku úmanta je nani enga jiáratperanhajka.
Asï pá je kʼéri tánguarhikuarhu desaiunu, kafe o ielu enga otelirhu íntspinhajka para jimajku anhani.
Méntkisï xarhata je ambe enga espiritu santu úrpijka ánchikuarhiricha jingoni oteliri. Miá je eskaksï uánikuechani atenderiuaxaka ka jimboksïsï agradeserijti eskachi kurhanguaka, sési kámpiaka ka eskachi tekantaaka.
Tátembechaksï jatsisti para exeani jarhani imeri sapiichani engaksï otelirhu jauaka, ka ístu elebadoricharhu, alberkarhu, resibidorirhu ka jimnasiurhu.
Presiu enga Lista de hoteles recomendados jimbo jaka jindesti ma jurhiatikueri, peru no impuestuecha jingoni. Engaksïni jukari kobrarini jauaka asï jiókuarhi je ka sóntku eiangu je Departamentuni enga Ospedajeri ambe exejka kʼéri tánguarhikuarhu.
Enga ambe ma úkuarhiaka chári kuarturhu, aiangu je Departamentuni enga Ospedajeri ambe exejka engajtsï kʼéri tánguarhikuarhu jauaka.
Jarhuajpikua. Né enga uékaka jarhuajpini jatsisti para nirani Departamenturhu para ima engaksï uékajka jarhuajpeni. Ima engaksï menusi de 16 uéxurhini jatirijka uátiksï ánchikuarhini enga tátemba, amamba o máteru nema exeani jauaka, o nema engaksï tátembecha exejka eska uáka enkargarikuarhini.