Kaja erramientecheri engachi uétarhinchajka para jorhentpini
1. ¿Andiksïsï eianhpiricha ísïi komueska karpinteruecha?
1 Karpinteruechaksï mámaru járhati erramientechani úraasïndi. Máruksï ménisïjku úraasïndi para máru ánchikuarhitecha, peru máteru erramientechanksï méntku úraani jarhasïndi. Karpinteruecha engaksï ióni ánchikuarhikia kaasïndiksï erramientechani engaksï kánikua úraajka ka engaksï sési jorhenaka úraani, imecheri kajarhu para erramientecha. Bibliajtsïni pʼímarhisïndi parachi jánguarhintani eianhpikuarhu ka eskachi mándani arhini jindeaka “ma ánchikuarhiri enga no ma ambe jimbo jatsika para kʼuratsetakuarhini” (2 Tim. 2:15). ¿Náki erramienta sánderu jukaparhakueski? Jindesti Biblia, engachi úrajka para jorhendaani iámindu kʼuiripuechani (Mat. 28:19, 20). Ísï jimbo, jatsiskachi para sési jorhenani “jorhentpi[ni] ini uandakuani enga sési jimboeka”. Peru iáminduchi jatsiska para jorhenguarhini sési úraani máteru erramientechani engachi úraajka para jorhentpini jurhimbikua (Prov. 22:29).
2. ¿Náki erramientechanchi jatsiaski para jorhentpini?
2 Erramientecha engachi uétarhinchajka para jorhentpini. Aparti de Biblia, ¿ambe máteru erramientechanchi jatsiaski? Libru, ¿Qué enseña realmente la Biblia? jindesti engachi sánderu úrajka para estudiuechani uáni. Engachi na kʼamarajkia estudiarini ini libruni kʼuiripu ma jingoni, úrasïngachi libruni, “Manténganse en el amor de Dios”, paraka jorhenguarhiaka úraani imeri tsípikuarhu Bibliaeri prinsipiuechani. Ísï jimbo, jatsiskachi para sési jorhenani úraani ini libruechani. Juchari kaja erramientecherirhu jatsistiksï para jarhani máru foietuecha komueska Ambakiti ambe enga Tata Diosïrika enga marhuajka para uénani estudiuechani. Enga territoriurhu jaka kʼuiripu enga no újka sési arhintani o enga idioma ma uandajka engachi no uánikua o no ma publikasioni jatsika, jiájkanchi uáka úrani foietuni Kurhajcha je Tata Diosïni o Kurhajcha je Tata Diosïni ka irekakajtsï para méntkisï. Máteru erramienta jindesti foietu ¿Néksï úxaki iásï ambe enga Jeoba uékajka?, enga jarhuatajka estudiuni mítini kúnguarhikuani. Bideuecha engajtsïni jarhuatajka para disipulu uáni jindestiksï, ¿Andisï uétarhijki jorhenguarhini Bibliaeri ambe?, ¿Nénaksï úkuarhisïni juchari tánguarhikuecha? ka ¿Jatsikuarheski Tata Diosï arhinhakua ma?, engachi jatsika para jorhenguarhini sési úraani.
3. ¿Ambechi jorhenguarhia temecharhu engaksï sánderu orhepani uéraaka Juchari Ánchikuarhita Reinueri jimbo?
3 Temecharhu engaksï sánderu orhepani uéraaka Juchari Ánchikuarhita Reinueri jimbo, jorhenguarhiakachi sési úraani publikasionichani engachi jatsiaka kaja erramientecherirhu para jorhentpini. Engachi jánguarhintaska kánikua sési úraani, úni jauakachi ambe enga uandajka Biblia: “Jatsi kuidadu para tʼujkumindu ka ístu para inde ambe engari jorhentpijka, ka méntku jauena indeni ambe úni, jimboka engari ísï úska, tʼu mísmu pʼímutantskateaka, ka ístu imecha engaksïni kurhajchaaka” (1 Tim. 4:16).