Ju je úrani foietuni Ambakiti ambe para jorhentpini
1. ¿Néna úkata jarhaski foietu Ambakiti ambe?
1 Eskachi na exekia Juchari Ánchikuarhita Reinueri juliueri, erramienta ma enga jukaparhakueka para jorhentpini jindesti foietu Ambakiti ambe enga Tata Diosïrika. Textuecha engaksï foieturhu jaka nóksï kopiarikata jarhasti, paraka kʼuiripu uáka Bibliarhu arhikuarhiantaani. Uánikua juchari publikasionicha úkataksï jarhasti paraka ma uáka jandiajku jorhenguarhini, peru i foietu úkata jarhasti para jorhentpiri ma jingoni exeni. Ísï jimbo, engachi nemani eiakuaka foietuni, jánguarhintakachi exerani nénaeski estudiu ma ka ísï exeati eska tsípikuarhita máeska jorhenguarhini ambakiti ambe (Mat. 13:44).
2. ¿Nénajtsï uá úrani foietuni Ambakiti ambe engajtsï primeru uelta pʼorhempiaka?
2 Engajtsï primeru uelta pʼorhempiaka: Úpiringajtsï uandani: “Pʼorhempixaka jimbokani exesïnga eska kʼuiripu uandanhiasïnga ambe enga úkuarhiaka sánderu orhepani. ¿Exesïntsï cha eska iámu ambe sési niántaaka? [Jurajku je eska mókuntaaka.] Biblia ambakiti ambe jatasti engajtsïni íntskujka erokuarhikua ma. Íksï jindesti máru kurhamarhikuecha enga Biblia mókuantajka”. Íntsku je foietu ma ka pʼímarhi je eska erakuaka kurhamarhikua ma últimu pájinarhu. Exera je néna estudiarinhasïni i foietu úraparini orheta párrafuni jorhenguarhikueri. Máteru ambe engajtsï uáka úni, jindesti kurhamarhikua ma úkuni jorhenguarhikueri ma enga cha erakuaka, ka exera je néna uá jarhuatani foietu exentani mókuntskua Bibliarhu. Enga i jorhenguarhikua terokuntajka bideu ma jingoni enga jw.org jaka, máru eianhpirichaksï exerasïndi kʼuiripuni.
3. Uandanta je néna úni estudiu ma úraparini foietuni Ambakiti ambe.
3 Néna úni estudiuni: 1) Arhinta je kurhamarhikuani enga turhipiti jimbo jaka paraka kʼuiripu exeaka nákiski mókuntskua. 2) Arhinta je párrafuni. 3) Arhianta je textuechani engaksï kursiba jimbo jaka, ka para jarhuatani Biblia jingoni mókuntani kurhamarhikuani enga turhipiti jimbo jaka, úkua je máteru kurhamarhikuechani. 4) Enga jaka máteru párrafu imani mísmu kurhamarhikueri, ú je ménderu ambe enga arhijka númeru 2 ka 3. Enga bideu ma terokuntajka kurhamarhikua jingoni ka cha nótki exerani jarhani kʼuiripuni, exera je engajtsï estudiarini jauaka. 5) Últimu, kurhaku je kʼuiripuni eska mókuntaaka kurhamarhikuani parajtsï exeni sini kurhanguski.
4. ¿Ambejtsïni jarhuata sési úrani ini xáni ambakiti jarhuajperatani?
4 Uétarhisïndi eskachi sési mítiaka ini xáni ambakiti jarhuajperatani. Ju je úrani méntkisï engachi uáka. Antesi de mándani estudiu, ju je eratsini jorhenguarhirini ka nénachi uá jarhuatani sánderu sési eratsini, úrapariani textuechani engaksï jorhenguarhikuarhu jaka (Prov. 15:28; Uku. 17:2, 3). Engachi jorhenguarhiakia sánderu sési úrani foietuni, sánderuchi uékaaka úrani para jorhentpini jurhimbikua.