Uétarhisïndi prepararikuarhini para ambakiti jorhentpiri máeni

Jesusinksï tsimani uelta úkuspti imani mísmu kurhamarhikua tsípikueri ambe para méntkisï, peru mándani kʼuiripuni ísï mókukuspti seguni eskaksï na uétarhinchani japka (Luk. 10:25-28; 18:18-20). Sáno májkueni, nájkirukachi sési mítikia Bibliaeri temani engachi estudiariuaka nemani jingoni, jatsiskachi para antesi prepararikuarhini, miáparini ambe enga estudianti uétarhinchajka. ¿Ambe úkua jukanchasïni kurhanguni o jiókuarhini? ¿Náki textuechani engaksï párrafurhu jaka uétarhia arhiantaani? ¿Na xáni informasioni uétarhisïni exeni? Jamberi uétarhiati eratsini ilustrasioni ma, néna explikarini o náki kurhamarhikuechani úkuani enga jarhuataaka kurhanguni jorhenguarhikuani. Ístu, Jeobaesti enga újka eska semiia jurhimbikueri kʼuiripeaka kʼuiripuecheri mintsitarhu. Jimbochisï jatsika para kurhakuni Jeobani eskajtsïni újchakuraaka engachi prepararikuarhini jámaaka, ístu eska újchakuraaka estudiantini ka ambe engachi jánguarhintaaka úni para Jeobaeri ambe jorhendani (1 Kor. 3:6; Sant. 1:5).