Májkueni ú je eska profetecha: Abakuki
1. ¿Andichisï újki sési kurhangukuni profeta Abakukini?
1 Engachi exejka na enga sánhani arhini jaka no sési jánhaskuarheni, fásilisïndi ísï pʼikuarherani eska Abakuki, enga kurhamarhipka Jeobani andisï jurajkueni eska no sési jánhaskuarhepiringa (Hab. 1:3; 2 Tim. 3:1, 13). Eratsintani ambe enga Abakuki uandapka ka na enga no méni jurajkupka Jeobani, jarhuataatijtsïni tekaantani engachi jamberi erokuarhiaka imani jurhiatikuani enga Jeoba jusgarpiaka (2 Ped. 3:7).
2. ¿Nénachi uá májkueni marhuakuni Tata Diosïni eska Abakuki?
2 Ju je méntkisï sési marhuani. Enbesi de no sési pʼikuarherani imani ambe jimbo enga úkuarhinchapka, Abakuki jingontku jarhaspti ka ánchikuarhispti Jeobaeri ambe jimbo (Hab. 2:1). Jeoba arhispti profetani eska Imeri uandakua úkuarhipiringa na enga jatini sési japiringa ka eska ima engaksï jurhimbitipiringa seguiripiringaksï irekani (Hab. 2:2-4). ¿Ambe arhikuekasïni i ambe para kristianuecha engachi últimu jurhiatikuechani irekani jaka? Eska sánderu jukaparhakueska seguru jarhani eska kʼamakurhikua juuaka ka eska mítini na jatini juua. Jakajkukua úsïndi eskachi jingontku jauaka ka eskachi orheta péraaka eianhpikuani (Ebr. 10:38, 39).
3. ¿Andichisï jatsi para seguirini tsípikua jingoni marhuakuni Jeobani?
3 Tsípisïngachi Jeobani marhuakuni. Juchari jakajkukua tsʼéjkunhati enga Gog de Magog uékaaka kʼamajkuni Jeobaeri iretani (Ezeq. 38:2, 10-12). Méntkisï enga guerra ma jarhajka, iámu ambe úkua jukasïndi, asta para imecha engaksï andajka. Kʼuiripu tsïtakuarhisïndi ambe enga jatsikuarhejka, sántku tʼirekua jarhasïndi ka nóteru májkueni irekanhasïndia. ¿Nénachi jámaa engachi ini ambe nitamanchani jauaka? Abakuki mítispti eskaksï japiringa problemecha, jimbosï eratsipti méntkisï tsípikua jingoni marhuakuni Jeobani (Hab. 3:16-19). “Jeobaeri tsípekuarhita” ístujtsïni jarhuataati juchantsïni orhepani uérakuani tsʼéjkukuechani (Neh. 8:10; Heb. 12:2, Traducción del Nuevo Mundo).
4. ¿Ambechi uá úni iásï ka sánderu orhepani?
4 Jeoba seguiriuati jorhendaani imechani enga kuájchakuauaka imani jurhiatikua enga jusgarpiaka (Hab. 2:14). Kʼuiripuecha engaksï tsíntaaka ístuksï jorhenguarhiati Jeobaeri ambe. Desde iásï uératini ju je jánguarhintani méntkisï uandantani Jeobaeri ambe ka imani amberi enga ima kueraaka (Sal. 34:1; 71:17).